फ्रान्सको बुलङ–सुर–मेरमा सेप्टेम्बर ९ देखि १३ सम्म आयोजना हुने विश्व सभात असट च्याम्पियनसिपमा बसिल त्वयनाले सिनियर ८५ केजी तौलसमूहमा प्रतिस्पर्धा गर्नेछन्। सो प्रतियोगितामा सहभागी दुई सदस्यीय नेपाली टिम आइतबार फ्रान्स प्रस्थान गरेको छ, जसमा प्रशिक्षक लक्ष्मण बस्नेत पनि रहेका छन्।
बसिलले भारतमा सम्पन्न छैटौं एसियन सभात प्रतियोगितामा स्वर्ण पदक जितिसकेका छन्, साथै उज्बेकिस्तानको विश्व यूथ सभातमा रजत र काठमाडौंमा सम्पन्न सातौँ एसियन सभात प्रतियोगितामा पनि स्वर्ण पदक प्राप्त गरिसकेका छन्। २२ भदौ, काठमाडौं। विश्वभरका ४५ देशका करिब ४०० खेलाडी र अधिकारीहरूले यस प्रतियोगितामा सहभागिता जनाउनेछन्। नेपाल सभात संघका संस्थापक अध्यक्ष तथा प्रमुख प्रशिक्षक मास्टर लक्ष्मण बस्नेत टोलीका प्रशिक्षकको रूपमा सहभागी हुँदैछन्।
सूर्यविनायक नगरपालिका–९, भक्तपुरको स्थायी बासिन्दा ६ फिट ४ इन्च अग्ला बसिलले सन् २०२५ मा भारतमा सम्पन्न छैटौं एसियन सभात प्रतियोगितामा स्वर्ण पदक जितेका थिए। उहाँले उज्बेकिस्तानमा सम्पन्न विश्व यूथ सभातमा रजत र गत वैशाख १८ देखि २० गते काठमाडौँ विश्वविद्यालयमा आयोजना गरिएको सातौँ एसियन सभात प्रतियोगितामा पनि स्वर्ण पदक प्राप्त गर्नुभएको छ।
प्रशिक्षक लक्ष्मण बस्नेतले अभ्यास र शारीरिक उचाइको कारणले लिग प्रणालीमा हुने विश्व च्याम्पियनसिपमा पनि पदक जित्ने आशा व्यक्त गरेका छन्। नेपाल सभात संघका सल्लाहकार तथा पूर्व राज्यमन्त्री डा. विराजबहादुर बिष्ट, महासचिव र खेलकुद मन्त्रालयका प्रमुख सल्लाहकार सिद्धि बेञ्जनकार, संघका उपाध्यक्ष दधीराम कँडेल, साथै विभिन्न प्रशिक्षकहरूले त्रिभुवन अन्तर्राष्ट्रिय विमानस्थलमा टोलीलाई विजयको शुभकामना दिँदै बिदाइ गरेका थिए।
