नेपाली फुटबल खेलाडी सुबास बम ठकुरी अजरबैजानको शीर्ष डिभिजन क्लब टुरान टुभोजमा अनुबन्ध भएका छन्। सुबासले सोमबार आफ्नो सामाजिक सञ्जालमा टुरानसँग सम्झौता गरेको फोटो सेयर गर्दै क्लबमा अनुबन्ध भएको जानकारी गराएका छन्।
टुरान अजरबैजानको शीर्ष श्रेणीको लिग, अजरबैजान प्रिमियर लिग खेल्ने एक प्रमुख क्लब हो। सुबासले नेपालको उमेर समूहको राष्ट्रिय टिमको कप्तानी गरेका छन् र सिनियर राष्ट्रिय टोलीबाट पनि डेब्यु गरिसकेका छन्। नेपाल पुलिस क्लबबाट घरेलु फुटबल करियर सुरु गरेका सुबासले फिलिपिन्सको क्लब सिनिलोन ब्लुजबाट पनि खेल अनुभव हासिल गरेका छन्। १८ वर्षको उमेरमै सुबासले उल्लेखनीय प्रगति गरेका छन्।
