एसीसी पुरुष प्रिमियर कपको फाइनलमा आचारसंहिता उल्लंघन गरेको आरोपमा अन्तर्राष्ट्रिय क्रिकेट परिषद् (आईसीसी) ले नेपालका रोहित पौडेल र संयुक्त अरब इमिरेट्स (यूएई) का अदीब उसमानीलाई खेल शुल्कको १५ प्रतिशत जरिवाना गरेको छ। त्यस्तै, यूएईका खुजाइमा तनवीरलाई आउट भएपछि स्टम्पमा ब्याटले प्रहार गरेको कारण खेल शुल्कको १० प्रतिशत जरिवाना गरिएको छ। तीनै खेलाडीको अनुशासन अभिलेखमा एक–एक डिमेरिट अंक थपिएको छ र उनीहरूले आरोप स्वीकार गरेकाले औपचारिक सुनुवाइ गरिएन। ३० भदौ, काठमाण्डौँ।
एसीसी पुरुष प्रिमियर कपको फाइनलको क्रममा आचारसंहिता उल्लंघन गरेको भन्दै नेपालका ब्याट्सम्यान रोहित पौडेल, यूएईका अदीब उसमानी र खुजाइम तनवीरलाई आईसीसीले कारबाही गरेको हो। आईसीसीले रोहित र उसमानीलाई लेभल–१ अन्तर्गत खेल शुल्कको १५ प्रतिशत जरिवाना लगाएको छ। उनीहरूले नेपालका इनिङ्सको ३१औं ओभरमा मैदानमा विवाद उत्पन्न गराएपछि स्थिति शान्त पार्न प्रयासरत अम्पायरको निर्देशन पालना नगरेको ठहर गरिएको छ। यूएईका खुजाइमा तनवीरलाई खेल शुल्कको १० प्रतिशत जरिवाना गरिएको छ, किनभने यूएईको इनिङ्सको ४६ औं ओभरमा आउट भएपछि उनले ब्याटले स्टम्पमा प्रहार गरेका थिए। तीनै खेलाडीको अनुशासन अभिलेखमा एक–एक डिमेरिट अंक थपिएको छ। पछिल्ला २४ महिनामा यस प्रकारको उल्लंघन उनीहरूको पहिलो भएकाले थप निलम्बन गरिएको छैन। आईसीसीका अनुसार तीनै खेलाडीले आरोप स्वीकार गरी प्रस्तावित सजाय मानेकाले औपचारिक सुनुवाइ आवश्यक थिएन।
सम्बन्धित खबर
