आईसीसीको नयाँ ओडीआई बलिङ वरियतामा नेपाली स्पिनर ललित राजवंशीले पाँच स्थान उक्लिएर ४०औं र सन्दीप लामिछानेले तीन स्थान उक्लिएर ४६औं स्थानमा पुगेका छन्। ललितको रेटिङ अंक ५०९ र सन्दीपको ४९१ रहेको छ। गत शनिबार सम्पन्न एसीसी प्रिमियर लिगमा गरेको प्रदर्शनकै आधारमा उनीहरूको वरियता सुधार भएको हो।
३१ भदौ, काठमाडौं। नेपाली राष्ट्रिय क्रिकेट टोलीका स्पिनरहरू ललित राजवंशी र सन्दीप लामिछानेले आईसीसी ओडीआई बलिङ वरियतामा स्थान सुधार गरेका छन्। आईसीसीले मंगलबारसम्मको तथ्यांक राखी बुधबार सार्वजनिक गरेको नयाँ वरियतामा बाँया हातका स्पिनर ललितले पाँच स्थान उक्लिए भने लेग स्पिनर सन्दीपले तीन स्थान उक्लिएका छन्। नयाँ वरियतामा ललित ४०औं स्थानमा छन् भने सन्दीप ४६औं स्थानमा पुगेका छन्। ललितको रेटिङ स्कोर ५०९ र सन्दीपको ४९१ रहेको छ।
गत शनिबार सम्पन्न एसीसी प्रिमियर लिगमा गरेको उत्कृष्ट प्रदर्शनबाट उनीहरूको वरियतामा सुधार आएको हो। प्रिमियर कपमा ओमानसँगको सेमिफाइनल र यूएईसँगको फाइनल ओडीआई मान्यताको खेलहरु थिए। ललितले ओमान र यूएईविरुद्ध समानरुपमा २-२ विकेट लिए भने सन्दीपले ओमानविरुद्ध ३ र यूएईविरुद्ध १ विकेट लिएका थिए।
