Skip to main content
Advertisement1200×100-inside-1
Advertisement1200×100-blank-1
Advertisementxtreme adv

नेपाल ए टोलीलाई अस्ट्रेलियामा हुने टप एन्ड टी-२० सिरिजका लागि बिदाइ

Advertisement800×200-1

अस्ट्रेलियाको नर्थन टेरिटोरीमा आयोजना हुन लागेको टप एन्ड टी–२० सिरिजका लागि नेपाल ए टोलीको बिदाइ गरिएको छ। अनिल साहको नेतृत्वमा रहेको १५ सदस्यीय नेपाली टोली अगस्ट २१ देखि ३० तारिखसम्म सञ्चालन हुने उक्त प्रतियोगितामा भाग लिन तयार छ। नेपालले यो प्रतियोगितामा एनटी स्ट्राइक, बंगलादेश हाई–परफर्मेन्स, होबार्ट हरिकेन्स, एसीटी कोमेट्स, किङ्समेन र भिक्टोरियासँग गरी ६ वटा लिग खेल खेल्नेछ।

नेपाल ए टोलीलाई नर्थन टेरिटोरी, अस्ट्रेलियामा आयोजना हुने टप एन्ड टी–२० सिरिज खेल्न जानुअघि विशेष कार्यक्रम गर्दै बिदाइ गरिएको छ। नेपाल क्रिकेट संघ (क्यान) ले आइतबार आयोजना गरेको कार्यक्रममा क्यानका उपाध्यक्ष रोशन सिंह लगायतले टोलीलाई बिदाइ गर्दै उत्कृष्ट प्रदर्शन गरी जित हासिल गर्न शुभकामना व्यक्त गरेका थिए।

प्रतियोगिताका लागि कप्तान अनिल साहको नेतृत्वमा रहेको १५ सदस्यीय टोली घोषणा भइसकेको छ। यस टोलीमा नेपालको ओडीआई टोलीमा नपरेका ओपनिङ ब्याट्सम्यान कुशल भुर्तेललाई समेत समावेश गरिएको छ। डार्विनमा अगस्ट २१ देखि ३० सम्म सञ्चालन हुने प्रतियोगितामा नेपालले लिग चरणमा कुल ६ खेल खेल्नेछ। पहिलो खेल अगस्ट २१ मा एनटी स्ट्राइकसँग हुनेछ।

नेपालले दोस्रो खेल अगस्ट २२ मा बंगलादेश हाई–परफर्मेन्स टोलीसँग खेल्नेछ। त्यसपछि अगस्ट २४ मा होबार्ट हरिकेन्स एकेडेमी, अगस्ट २६ मा एसीटी कोमेट्स, अगस्ट २७ मा किङ्समेन, र अगस्ट २९ मा भिक्टोरिया टिमसँग प्रतिस्पर्धा गर्ने तालिका रहेको छ। नेपालले यसअघि पनि उक्त प्रतिस्पर्धामा सहभागिता जनाइसकेको छ।


Advertisementadv-800×200.png

सम्बन्धित खबर