काठमाडौं उपत्यकामा सार्वजनिक यातायातको स्थान र आगमन समय देखाउने मोबाइल एप सार्वजनिक

काठमाडौं उपत्यकामा सार्वजनिक सवारीसाधनहरुको स्थान र आगमन समय देखाउने केटीएम पब्लिक ट्रान्स्पोर्ट मोबाइल एप बुधबार सार्वजनिक गरिएको छ। यस एपमा जीपीएस जडित लगभग १ हजार २०० सवारीसाधनहरुको जानकारी उपलब्ध छ र यसको संख्या बढाउने योजना रहेको छ। परिषद्ले बस स्टप, रात्री बस सेवा, जीपीएस ट्र्याकिङ, नगदरहित भाडा र टिकट प्रणालीलाई प्रोत्साहन गर्ने कार्यक्रम अनुमोदन गरेको छ। ४ भदौ, काठमाडौं।

सार्वजनिक यातायातसम्बन्धी जानकारी उपलब्ध गराउने उद्देश्यले केटीएम पब्लिक ट्रान्स्पोर्ट मोबाइल एप्लिकेसन सार्वजनिक गरिएको हो। बुधबार संघीय राजधानी सहरी क्षेत्र सार्वजनिक यातायात परिषद्को तेस्रो बैठकमा परिषद्का अध्यक्ष तथा काठमाडौं महानगरपालिकाका कार्यवाहक प्रमुख सुनिता डंगोलले उक्त एप्लिकेसन सार्वजनिक गरिन्। बैठकमा उनले उपत्यकाभित्र सञ्चालन हुने यातायात प्रणालीलाई सरल र सहज बनाउन र रात्रिकालीन सेवा विस्तार गर्नुपर्ने आवश्यकतालाई जोड दिइन्।

बैठकका उपाध्यक्ष तथा ललितपुर महानगरपालिकाका प्रमुख चिरीबाबु महर्जनले सार्वजनिक बस प्रयोग गर्ने यात्रुलाई सहज अनुभूति गराउन प्रभावकारी प्रणालीको आवश्यकता रहेको बताइन्। उनले भने, “सार्वजनिक यातायात सुधारका लागि यो परिषदले महत्वपूर्ण भूमिका खेल्न सक्छ।” बैठकमा संघीय राजधानी सहरी क्षेत्र सार्वजनिक यातायात प्राधिकरणका कार्यकारी अधिकृत कुवेर नेपालीले विगतमा प्राधिकरणले काम अघि बढाउन नसकेको जानकारी गराए। यस वर्षका लागि बस स्टप र पिक ड्रप प्वाइन्ट निर्धारण, रात्री बस सञ्चालन सर्त, सम्झौता मोडेल तयार गर्ने तथा स्थानीय तहसँग साझेदारीमा जीपीएस ट्र्याकिङ गर्ने कार्यक्रम स्वीकृत भएको छ।