ग्यास अभावका बाबजुद विद्युतीय चुलोप्रति उपभोक्ताको विश्वासमा कमी, नेपाल विद्युत् प्राधिकरणले बिजुली आपूर्तिको योजना ल्यायो

खाना पकाउन आवश्यक एलपी ग्यासको अभाव बढिरहेको भए पनि उपभोक्ताहरू विद्युतीय चुलोप्रति विश्वास नगरेको अवस्थामा नेपाल विद्युत् प्राधिकरणले विद्युत् प्रसारण तथा वितरणको गुणस्तर सुधारमा व्यापक ध्यान केन्द्रित गरिरहेको अधिकारीहरूले बताएका छन्। वर्षायाममा पर्याप्त विद्युत् उत्पादन भइरहे पनि विद्युतीय चुलोको प्रयोग अपेक्षाअनुसार बढ्न नसकेको पृष्ठभूमिमा विद्युतको गुणस्तर र आपूर्तिको विश्वसनीयतासँग सम्बन्धित प्रश्नहरू निरन्तर उठ्दै आएका छन्।

लगभग एक दशकअघिसम्म नेपालमा व्यापक लोडसेडिङ हुने गरेको थियो, तर अहिले वर्षायाममा आन्तरिक खपतभन्दा बढी विद्युत् उत्पादन हुने अवस्था छ। लोडसेडिङ नहुँदा पनि उपभोक्ताहरू विद्युत् चुलोमा खाना पकाउन विश्वस्त हुन नसक्नु चुनौतीको रूपमा हेरिन्छ। सोही चुनौती सम्बोधन गर्न प्राधिकरण तत्पर रहेको अधिकारीहरूले बताएका छन्। “विद्युत् वितरणमा भरपर्दो उपलब्धता नहुँदा उपभोक्ताहरू विद्युत् चुलोतर्फ जान नसक्ने विषयलाई हामीले प्राथमिकतामा राखेका छौँ,” प्राधिकरणका निमित्त कार्यकारी निर्देशक दीर्घायुकुमार श्रेष्ठले भने।

उपभोक्ताका समस्यामध्यपूर्वमा द्वन्द्व सुरु भएयता नेपालमा ग्यास आपूर्ति शृङ्खला प्रभावित भएको छ। सरकार बारम्बार विद्युतको घरेलु प्रयोग बढाउन आग्रह गरे पनि गुणस्तरका कारण उपभोक्ताहरू विद्युतीय चुलोकतर्फ विश्वस्त हुन नसकेको बताउने उपभोक्ता अधिकारकर्मीहरू छन्। “कन्ज्यूमर आइ नेपाल”की अध्यक्ष विमला खनाल भन्छिन् कि विद्युत् गुणस्तर सुधार्न लामो समयदेखि आवाज उठाइरहेकी छन्। “लाइन छुट्छ, भनेजति भोल्टेज आउँदैन। ट्रान्सफर्मरमा पनि समस्या आउँछ। सरकार चाह्यो भने यो ठूलो समस्या होइन।”