इरानी राष्ट्रपति पेजेस्कियानको दावीः अमेरिकाविरुद्धको विजयलाई विश्वले मान्यता दिएको छ

५ भदौ, काठमाडौं । इरानका राष्ट्रपति मसुद पेजेस्कियानले अमेरिकासँगको द्वन्द्वमा इरान बलियो अवस्थामा रहेको दाबी गर्दै अब युद्ध अन्त्य गर्ने समय आएको बताएका छन्। बीबीसी फारसीका अनुसार, उनले अमेरिकाविरुद्धको ऐतिहासिक विजयलाई विश्वले मान्यता दिएको स्पष्ट पारेका छन्। ‘सम्पूर्ण विश्वले हाम्रो जितलाई स्वीकार गरिसकेको छ,’ उनले भने, ‘म जोड दिन चाहन्छु कि अमेरिकाले अन्तर्राष्ट्रिय नियम उल्लंघन गर्दै हाम्रो विद्यालय, अस्पताल र आधारभूत पूर्वाधारमा आक्रमण गरेको छ। विश्वभर उनलाई घृणा गरिएको छ।’

राष्ट्रपति पेजेस्कियानले अमेरिका र इरानबीच पाकिस्तानको राजधानी इस्लामावादमा सम्पन्न सम्झौतासँग ठूलो उपलब्धि हासिल भएको बताए र सम्भावित आक्रमणको सामना गर्न पछि नहट्ने पनि स्पष्ट पारेका छन्। ‘एउटै कुरा पक्का छ—हामी कहिल्यै पनि दबाब वा दादागिरीको सामु झुक्दैनौं। हामी हाम्रो अन्तिम साससम्म उनीहरूको विरुद्ध दृढ भएर लड्नेछौं र तीव्र र कडा जवाफ दिनेछौं,’ पेजेस्कियानले भने।