काठमाडौंमा आज अन्तर्राष्ट्रिय सम्बन्ध र पर्यटन, कृषि तथा प्राकृतिक स्रोत, पूर्वाधार विकास, विधायन व्यवस्थापन र सार्वजनिक नीति तथा प्रत्यायोजित विधायन समितिको बैठक हुदैछ। अन्तर्राष्ट्रिय सम्बन्ध र पर्यटन समितिले बिहान ११ बजे पर्यटन विधेयक, २०८१ सम्बद्ध सरोकारवाला निकायहरूसँग छलफल गर्नेछ। विधायन व्यवस्थापन समितिले दिउँसो १ बजे संक्रामक पशु रोग (नियन्त्रण) विधेयक, २०८३ मा सैद्धान्तिक छलफल गर्ने कार्यसूची तय गरेको छ। सार्वजनिक नीति तथा प्रत्यायोजित विधायन समितिले दिउँसो २ बजे विज्ञ धनप्रसाद लामिछानेसँग खर्क नीति सम्बन्धमा छलफल गर्नेछ। ८ भदौ, काठमाडौं। विभिन्न पाँचवटा संसदीय समितिको बैठक आज बस्नेछ। अन्तर्राष्ट्रिय सम्बन्ध र पर्यटन समिति, कृषि तथा प्राकृतिक स्रोत समिति, पूर्वाधार विकास समिति, विधायन व्यवस्थापन समिति र सार्वजनिक नीति तथा प्रत्यायोजित विधायन समितिको बैठक आज हुदैछ। संसद् सचिवालयको सूचनाअनुसार अन्तर्राष्ट्रिय सम्बन्ध र पर्यटन समितिको बैठक बिहान ११ बजे, कृषि तथा प्राकृतिक स्रोत समितिको बैठक साढे ९ बजे, पूर्वाधार विकास समितिको बैठक १० बजे, विधायन व्यवस्थापन समितिको बैठक दिउँसो १ बजे र सार्वजनिक नीति तथा प्रत्यायोजित विधायन समितिको बैठक दिउँसो २ बजे बस्ने तय छ।
अन्तर्राष्ट्रिय सम्बन्ध र पर्यटन समितिको बैठकमा “पर्यटन विधेयक, २०८१” सम्बन्धमा नेपाल पर्वतारोहण संघलगायत सरोकारवाला निकायहरूसँग छलफल गर्ने कार्यसूची रहेको छ। कृषि तथा प्राकृतिक स्रोत समितिको बैठकमा कृषि, वन तथा पर्यावरण मन्त्रालयद्वारा गठन गरिएको मानव–वन्यजन्तु द्वन्द्व व्यवस्थापन प्राविधिक कार्यदलद्वारा तयार गरिएको प्रतिवेदनमाथि छलफल हुनेछ। यसैगरी पूर्वाधार विकास समितिको बैठकमा पूर्वाधार विकास र सार्वजनिक निजी साझेदारी सम्बन्धमा छलफल हुनेछ। समितिले यसका लागि लगानी बोर्ड, नेपाल उद्योग वाणिज्य महासंघ, नेपाल चेम्बर अफ कमर्स, नेपाल उद्योग परिसंघ र नेपाल-इन्डिया चेम्बर अफ कमर्स एण्ड इन्डस्ट्रीका प्रतिनिधिहरूलाई आमन्त्रित गरेको छ। विधायन व्यवस्थापन समितिको बैठकमा संक्रामक पशु रोग (नियन्त्रण) विधेयक, २०८३ मा सैद्धान्तिक छलफल हुनेछ। छलफलका लागि समितिले कृषिमन्त्री, कृषि, वन तथा पर्यावरण मन्त्रालयका सचिव, कानुन, न्याय तथा संसदीय मामिला मन्त्रालयका सचिवलाई बोलाएको छ। सार्वजनिक नीति तथा प्रत्यायोजित विधायन समितिको बैठकमा विज्ञ धनप्रसाद लामिछानेसँग खर्क नीति सम्बन्धमा छलफल हुनेछ। समिति विज्ञ लामिछानेलाई बैठकमा आमन्त्रित समेत गरेको छ।
