फाइल फोटो समाचार संक्षेप संपादकीय समीक्षापछि तयार गरिएको। रसुवा भोटेकोशी नदीमा आएको विनाशकारी बाढीपछि खोज तथा उद्धारलाई तीव्र बनाउन ड्रोन पाइलटहरुलाई ड्रोन र्यापिड रेस्पोन्स टिममा समावेश हुन आह्वान गरिएको छ। ११ भदौ, काठमाडौं। रसुवा भोटेकोशी नदीमा आएको विनाशकारी बाढीले प्रभावित क्षेत्रहरूमा खोज तथा उद्धारलाई छिटो बनाउन ड्रोन पाइलटहरूलाई एकै ठाउँमा भेला हुन अनुरोध गरिएको छ। रोबोटिक्स एसोसिएसन अफ नेपाल (र्यान) ले ड्रोन र्यापिड रेस्पोन्स टिम (डीआरआरटी) निर्माणका लागि आह्वान गरेको हो। प्रधानमन्त्री तथा मन्त्रिपरिषद्को कार्यालयको टोलीसँग प्रत्यक्ष समन्वय गर्दै उद्धार र राहत कार्यमा डीआरआरटीले सहयोग गर्ने जानकारी भनिएको छ। दौडधुपबाट पुग्न नसकिने नदी किनारका क्षेत्रहरूको हवाई सर्वेक्षण गर्न, अलपत्र समुदाय र बेपत्ता व्यक्तिहरूलाई हवाई प्रविधिको माध्यमबाट पहिचान गर्न डीआरआरटीले महत्त्वपूर्ण भूमिका खेल्ने उल्लेख गरिएको छ। त्यसैगरी बगेका पुल, भत्किएका सडक र जोखिममा रहेका बस्तीहरूको वास्तविक अवस्थालाई मूल्यांकन गर्न तथा उद्धार र राहत परिचालन टोलीलाई द्रुत गतिमा रियलटाइम फोटो र भिडियो उपलब्ध गराउन सहयोग गर्ने उल्लेख छ। इच्छुक पाइलटहरूले यहाँ क्लिक गरी डीआरआरटीमा सहभागी हुन सक्नेछन्।
