१५ भदौ, काठमाडौं । इन्डी सङ्गीतलाई प्रवर्द्धन गर्दै आएको ‘दी इलिमेन्ट्स’ले बाढी पीडितका लागि ४ लाख रुपैयाँ आर्थिक सहयोग गरेको छ । ब्यान्डले आज उक्त रकम प्रधानमन्त्री दैवी प्रकोप उद्धार कोषमा जम्मा गरेको छ । ब्यान्डले जनाएको छ कि यो रकमले गुमेको जीवन फर्काउन सकिँदैन र घरहरू पनि तुरुन्त बनाउन नसकिने भए तापनि, पीडितहरूको दुःखलाई केही कम गर्न त मद्दत पुग्ने आशा राखिएको छ । साथै, ब्यान्डले सबैलाई हातेमालो गरेर अझ बलियो बन्न आग्रह पनि गरेको छ ।
