प्रधानमन्त्री दैवी प्रकोप उद्धार कोषमा रकम जम्मा गर्दा आधिकारिक क्यूआर कोड वा खाता नम्बर मात्र प्रयोग गर्न राष्ट्र बैंकले आग्रह गरेको छ। नक्कली क्यूआर कोड र बैंक खाता विवरण प्रयोग गरी भइरहेका ठगी घटनाहरूका कारण मोबाइल बैंकिङ, वालेट र कनेक्ट आईपीएसमा खाताको नाम बुझ्न बैंकले सुझाव दिएको छ। सामाजिक सञ्जाल, इमेल र म्यासेजिङ एपहरूमा आएको अनधिकृत क्यूआर कोड स्क्यान नगर्न, ओटीपी र पिन नदिन र ठगीमा परेमा तुरुन्त जानकारी गराउन राष्ट्र बैंकले अनुरोध गरेको छ। १५ भदौ, काठमाडौं।
प्रधानमन्त्री दैवी प्रकोप उद्धार कोषमा रकम जम्मा गर्दा सावधानी अपनाउन केन्द्रीय बैंकले अनुरोध गरेको छ। नक्कली बैंक खाता वा क्यूआर कोड प्रयोग गरेर हुन सक्ने ठगीबाट बच्न आधिकारिक स्रोतबाट आएको मात्र क्यूआर वा खाता नम्बर प्रयोग गर्न केन्द्रीय बैंकले सुझाव दिएको छ। हालै उद्धार कोषको नाममा नक्कली क्यूआर कोड र बैंक खाता विवरण प्रयोग गरी अनधिकृत रुपमा रकम संकलन र ठगीका घटनाहरू बढेकाले राष्ट्रिय बैंकले सचेत रहन सुझाव दिएको छ। यसका लागि मोबाइल बैंकिङ, वालेट, कनेक्ट आईपीएस वा अन्य कुनै माध्यमबाट रकम ट्रान्सफर गर्दा खाताको नाम पक्का गर्न बैंकले निर्देशन दिएको छ।
आफूले योगदान गर्न चाहेको रकम प्रविष्ट गर्दा ध्यान दिन र पुनः पुष्टि गर्न केन्द्रीय बैंकले सिफारिस गरेको छ। साथै, राष्ट्र बैंकको वेबसाइट, प्रधानमन्त्री तथा मन्त्रिपरिषद्को कार्यालय र अर्थ मन्त्रालयको वेबसाइटमा उल्लेखित आधिकारिक बैंक खाता विवरणमात्र प्रयोग गर्ने हो भने ठगीबाट बच्न सकिन्छ भन्ने जानकारी पनि प्रदान गरिएको छ। सामाजिक सञ्जाल, इमेल र म्यासेजिङ एपहरूमा फैलिएका अवैध क्यूआर कोड स्क्यान नगर्न केन्द्रीय बैंकले सुझाव दिएको छ। ओटीपी, पिन वा पासवर्ड अरू कसैलाई नदिन राष्ट्र बैंकले आग्रह गरेको छ। उद्धार कोषमा रकम ट्रान्सफर गर्दा ठगीमा परेमा तुरुन्त सम्बन्धित बैंक तथा वित्तीय संस्था/भुक्तानी सेवा प्रदायक संस्था, नेपाल प्रहरीको साइबर ब्युरो वा राष्ट्र बैंकको वित्तीय ग्राहक संरक्षण इकाइमा जानकारी गराउन भनिएको छ।
