विपद्मा शंकर समूहले ४ करोड रुपैयाँ सहयोग, २५ लाख रुपैयाँ बराबरको टार्पोलिन टेन्ट वितरण
शंकर समूहले देशमा आएको पछिल्लो प्राकृतिक विपद्बाट प्रभावित नागरिकहरूको राहत र पुनर्स्थापनाका लागि प्रधानमन्त्री दैवी प्रकोप उद्धार कोषमा ४ करोड रुपैयाँ सहयोग गरेको छ। समूहले अर्थमन्त्रीमार्फत राहत कोषका लागि चेक हस्तान्तरण गरेको छ र विपद्को तेस्रो दिनमै २५ लाख रुपैयाँ बराबरका २ हजार ५ सय टार्पोलिन टेन्ट उपलब्ध गराएको जनाएको छ।
शंकर समूहले विपद्मा ज्यान गुमाउनेप्रति श्रद्धाञ्जली व्यक्त गर्दै उद्धार र राहतमा खटिएका निकायप्रति आभार प्रकट गरेको छ। १६ भदौ, काठमाडौं। शंकर समूहका निर्देशक दीपा अग्रवाल र वरिष्ठ व्यवस्थापन टोलीले अर्थमन्त्रीमार्फत प्रधानमन्त्री राहत कोषका लागि उक्त रकमको चेक हस्तान्तरण गरेका हुन्।
नगद सहयोगका साथै समूहले विपद्को तेस्रो दिनमै गृह मन्त्रालयको समन्वयमा रूपन्देहीका प्रमुख जिल्ला अधिकारीमार्फत विस्थापित परिवारका लागि २५ लाख रुपैयाँ बराबरको २ हजार ५ सय थान टार्पोलिन टेन्टसमेत उपलब्ध गराइसकेको जनाएको छ। विपद्मा ज्यान गुमाउनेहरूप्रति श्रद्धाञ्जली र शोकाकुल परिवारजनमा समवेदना व्यक्त गर्दै समूहले उद्धार तथा राहत कार्यमा दिनरात खटिने नेपाली सेना, सशस्त्र प्रहरी बल, नेपाल प्रहरी, स्वयंसेवक तथा सरकारी संयंत्रप्रति आभार प्रकट गरेको छ।
राष्ट्रिय संकटको यस घडीमा सरकार र नागरिकसँग काँधमा काँध मिलाउँदै उभिनु आफ्नो व्यावसायिक सामाजिक उत्तरदायित्व भएको भन्दै शंकर समूहले यस्ता विपद्मा आगामी दिनमा पनि निरन्तर साथ दिने प्रतिबद्धता व्यक्त गरेको छ।
सम्बन्धित खबर
