भोटेकोशी–त्रिशूली बाढीको छैटौँ दिनसम्म पनि नदीले बगाएका र लेदोमा पुरिएका शवहरू भेटिने क्रम जारी रहँदा, तीमध्ये पहिचान भएका शवको संख्या अत्यन्तै कम भएको अधिकारीहरूले बताएका छन्। स्वास्थ्य मन्त्रालयले उपलब्ध गराएको तथ्यांक अनुसार सनाखत भएका शवहरूको संख्या चार प्रतिशतभन्दा अलिकति बढी रहेको देखिन्छ। “[अहिलेसम्मको तथ्यांक अनुसार] ७९६ शवमध्ये करिव ३७ जना मात्रै सनाखत भएका छन्,” स्वास्थ्य मन्त्रालयका सहप्रवक्ता डा समीरकुमार अधिकारीले आइतवार साँझसम्मको तथ्यांक प्रस्तुत गर्दै भने। सोमबार अपराह्नसम्म मृतकको संख्या ९०० नाघिसकेको छ।
“सग्ला र परिचय गर्न सकिने शवहरू आफन्तले पहिचान गरेर लगिसकेका छन्। अन्य सग्वा शवहरूको व्यवस्थापन हामीले गरिरहेका छौं र गर्नेछौं। जसलाई राख्न असम्भव हुन्छ, ती माटोमा व्यवस्थित तरिकाले राखिन्छन् अहिलेको लागि।” अहिलेसम्म सबैभन्दा धेरै शवहरू चितवनमा भेटिएका छन्। जिल्ला प्रशासन कार्यालय चितवनका अनुसार सोमवार दिउँसोसम्म २७२ शव भेटिएका छन् र तीमध्ये १२ जनाको मात्र सनाखत गरिएको छ। “शवहरू कुहिन थालेकाले भण्डारण र पहिचानमा समस्या बढ्दै गएपछि सरकारले चितवनसहित विभिन्न जिल्लामा मृतकहरूको अस्थायी व्यवस्थापन शुरू गरेको छ।”
“आइतबारदेखि नै नवलपरासीमा पनि यो काम सुरु भइसकेको छ। धादिङ, नुवाकोट, रसुवा र काठमाडौँको त्रिवि शिक्षण अस्पतालमा पनि फरेन्सिक टोलीले काम सुरु गरिसकेको छ,” स्वास्थ्य मन्त्रालयका सहप्रवक्ता अधिकारीले भने। “बाढीका पहिलो वा दोस्रो दिन केही सग्ला शवहरू भेटिए पनि दिन बित्दै गएपछि सडेका अवस्थामा शवहरू मात्र भेटिन थालेको अधिकारीहरूले बताएका छन्। यसकारण डीएनए नमूनामार्फत् मात्रै शव पहिचान गर्ने बाहेक विकल्प नभएको निष्कर्षमा पुगेको छ।”
नेपाल प्रहरीले आजै एउटा सूचना जारी गर्दै भोटेकोशी नदीमा आएको बाढीका कारण आफन्तजन भेटिउन नसकेको नेपालमा रहेका नेपाली तथा विदेशीहरूले डीएनए परीक्षणमार्फत शव र शरीरका अङ्ग वा भाग यकिन गर्न चाहेमा “सबैभन्दा नजिकको रगतको नाता भएका बाबु, आमा, छोरा वा छोरीमध्ये कोही एक जनाको नमुना सङ्कलनका लागि प्रहरीसँग सम्पर्क राख्न” भनेको छ।
अधिकारीहरूले भारतबाट केहि फरेन्सिक विशेषज्ञहरु आइतवार नै नेपाल आएका छन्। “मैले १३ जना डीएनए फरेन्सिक विशेषज्ञहरू नेपाल आइसकेको र काम सुरु गरिसकेको जानकारी पाएको छु। उनीहरू नेपाल प्रहरीसँग समन्वय गरेर काम गरिरहेका छन्,” स्वास्थ्य मन्त्रालयका सहप्रवक्ता अधिकारीले भने।
