मलेसियामा यूएईलाई ४४ रनले पराजित गर्दै एसीसी प्रिमियर कप जितेको नेपाली क्रिकेट टोली आइतबार राति नेपाल फर्किएको छ। ट्रफीसहित स्वदेश फर्किएको टोलीलाई क्यानका सचिव पारस खड्कासहितले त्रिभुवन अन्तर्राष्ट्रिय विमानस्थलमा स्वागत गरेका छन्। कप्तान सन्दीप लामिछाने प्रतियोगिताको सर्वोत्कृष्ट खेलाडी घोषित भएका थिए र टोली अब एसियन गेम्सका लागि जापान जानेछ।
२८ भदौ, काठमाडौं। एसीसी प्रिमियर कपको उपाधि जितेर नेपाली क्रिकेट टोली आइतबार स्वदेश फर्किएको छ। मलेसियामा शनिबार सम्पन्न फाइनल खेलमा यूएईलाई पराजित गर्दै उपाधि हात पार्ने र एसिया कपका लागि छनोट हुने नेपाली टोली आइतबार साँझ नेपाल आइपुगेको हो। ट्रफीसहित स्वदेश फर्किएको नेपाली टोलीलाई क्यानका सचिव पारस खड्कासहितले त्रिभुवन अन्तर्राष्ट्रिय विमानस्थलमा स्वागत गरेका छन्।
मलेसियाको वायुमास ओभल मैदानमा सम्पन्न फाइनलमा नेपालले यूएईलाई ४४ रनले पराजित गरेको थियो। नेपालका कप्तान सन्दीप लामिछानेले प्रतियोगिताको सर्वोत्कृष्ट खेलाडीको उपाधि पाएका थिए। विमानस्थलमा सञ्चारकर्मीहरूसँग कुरा गर्दै सन्दीपले सबैको मेहनतले सफलता हासिल भएको बताएका छन्। “सबै जना खुशी छौं, देश कठिन अवस्थामा हुँदा राम्रो प्रदर्शन गर्यौं, एसिया कपमा पनि छनोट भयौं, यो निकै गर्वको कुरा हो” सन्दीपले भने।
नेपाली टोली अब केही दिनमा एसियन गेम्सको लागि जापान प्रस्थान गर्नेछ।
