२९ भदौ, काठमाडौं । ओमानको तट नजिक व्यावसायिक जहाज ‘एमटी एल गाइया’माथि आक्रमण भएको छ । १४ जना भारतीय चालक दलका सदस्यहरू सवार जहाजमा आइतबार आक्रमण गरिएको हो । आक्रमणमा परेका मध्ये १३ जनालाई सुरक्षित उद्धार गरिएको छ भने एकजना भारतीय नागरिकको अवस्था अज्ञात रहेको छ, बीबीसीले जनाएको छ ।
भारतको विदेश मन्त्रालयले जहाजमाथि भएको आक्रमणको कडा निन्दा गर्दै बेपत्ता भारतीय नागरिकको खोजी र उद्धार कार्य जारी रहेको जनाएको छ । मन्त्रालयले ओमानस्थित भारतीय दूतावासले यस घटनालाई निरन्तर निगरानी गरिरहेको बताएको छ । बेपत्ता व्यक्तिको खोजी र उद्धारका लागि ओमानका अधिकारीहरूसँग समन्वय भइरहेकाले मन्त्रालयले जानकारी दिएको छ । विदेश मन्त्रालयले क्षेत्रीय तनाव तुरुन्त कम गर्न र शान्ति स्थापना गर्न संवाद र कूटनीतिक माध्यम अपनाउन आग्रह गरेको छ । भारतले क्षेत्रीय तनाव घटाएर शान्ति पुनर्स्थापना गर्न र अन्तर्राष्ट्रिय जलमार्गमा सुरक्षित आवागमन सुनिश्चित गर्न पनि अपिल गरेको छ ।
