जापानको आइची–नागोयामा जारी रहेको २०औं एसियन गेम्सको महिला चाङछ्वान विधामा नेपालकी सुस्मिता तामाङले ९.५८० अंकसहित १६ प्रतिस्पर्धीमध्ये १३औं स्थान हासिल गरिन्। आइची प्रिफेक्चुरल मार्सल आर्ट्स हलमा सम्पन्न फाइनलमा हङकङकी लिडिया हुई यु शामले ९.७१३ अंकसहित स्वर्ण पदक जितिन्। मकाउकी चो मानले ९.७१० अंकसहित रजत र इन्डोनेसियाकी युजेनिया दिवा विडोडोले ९.७०६ अंकसहित क्रमशः कांस्य पदक जितिन्।
५ असोज, काठमाडौं। जापानको आइची–नागोयामा जारी रहेको २०औं एसियन गेम्सअन्तर्गत महिला चाङछ्वान (Changquan) विधामा नेपालकी सुस्मिता तामाङले १३औं स्थान हासिल गरी प्रतियोगिता समाप्त गरिन्। सुस्मिताले ९.५८० अंक प्राप्त गर्दै १६ प्रतिस्पर्धीमध्ये १३औं स्थानमा रहेकी छन्। नेपाल उसु महासंघले सुस्मिताले प्राप्त गरेको अंक उत्कृष्ट भएको उल्लेख गर्दै उनलाई बधाई दिएको छ।
हङकङकी लिडिया हुई यु शामले ९.७१३ अंकसहित स्वर्ण पदक जितिन् भने मकाउकी चो मानले ९.७१० अंकसहित रजत र इन्डोनेसियाकी युजेनिया दिवा विडोडोले ९.७०६ अंकसहित कांस्य पदक हात पारेकी छन्। यसअघि आइतबार सम्पन्न महिला ताइजिच्वान तथा ताइजिजियान विधामा नेपालकी सविता राई १०औं स्थानमा रहेकी थिइन्।
