२०औं एसियन गेम्स अन्तर्गत सफ्ट टेनिस मिक्स्ड डबल्समा नेपालको कमल भण्डारी र जर्जिया चौधरी पदकको दौडबाट बाहिरिएका छन्। जापानको हिगाशियामा पार्क टेनिस सेन्टरमा भएको नकआउट चरणको खेलमा उनीहरूले इन्डोनेसियाका फर्नान्डो सांगेर र आरासी सिटीको जोडीसँग ५–१ ले पराजित भई बाहिरिएका हुन्।
समूह चरणमा एक खेल जित्दै अर्को खेल हार व्यहोरेर नकआउट चरणमा प्रवेश गरेका कमल र जर्जियाको जोडीले मंगोलियाका खेलाडीलाई पराजित गरेपछि चाइनिज ताइपेइका खेलाडीसँग हार व्यहोरेको थियो। यसअघि नेपाली टोली पुरुष डबल्स विधामा पनि बाहिरिसकेको छ। कमल र प्रदीप खत्री पुरुष सिंगल तथा जर्जियाले महिला सिंगलमा प्रतिस्पर्धा गर्नेछन्।
