५८ औं एसियाली शारीरिक सुगठन तथा फिजिक स्पोर्ट्स च्याम्पियनसिपमा सहभागी हुन नेपाली टोली मंगलबार थाइल्यान्डको बैंकक प्रस्थान गर्दैछ। असोज ६ देखि १२ गतेसम्म आयोजना हुने प्रतियोगितामा जुनी राईसहित ७ खेलाडीले प्रतिस्पर्धा गर्नेछन्। राष्ट्रिय खेलकुद परिषद्का सदस्य–सचिव रामचरित्र मेहताले सोमबार टोलीलाई बिदाइ गरेका थिए।
प्रतियोगितामा सहभागी खेलाडीहरूमा जुनी राई, रिपु घर्ती, सगेन्द्र सिंह, परिस श्रेष्ठ, रेशम राणा, विप्लव थापा मगर र प्रनेश श्रेष्ठ रहेका छन्। टोलीसँगै नेपाल शारीरिक सुगठन तथा फिट्नेस महासंघका वरिष्ठ उपाध्यक्ष विजयलाल कायस्थ, सचिव एवं एसियाली शारीरिक सुगठन महासंघका प्राविधिक अध्यक्ष दिनेशकुमार राजभण्डारी, प्रशिक्षक रुजेश शाही, टिम व्यवस्थापक राजेशबहादुर श्रेष्ठ, निर्णायक प्रतापकाजी बरिया र सहयोगीका रूपमा राजेश्वरी श्रेष्ठ र सागर श्रेष्ठ पनि थाइल्यान्ड जानेछन्। अध्यक्ष राजेशबाबु श्रेष्ठ भने पहिले नै थाइल्यान्ड पुगेका छन्।
टोलीलाई सफलताको शुभकामना दिंदै राष्ट्रिय खेलकुद परिषद्का सदस्य–सचिव रामचरित्र मेहताले सोमबार बिदाइ गरे।
