श्रीलङ्का अदालतले सन् २०१९ को इस्टर बम विस्फोट योजना र तयारीमा संलग्न भएको आरोपमा १५ जनालाई दोषी ठहर गर्दै नौजनालाई छोडेको छ। सन् २०१९ अप्रिल २१ मा तीन चर्च र तीन होटलमा भएको उक्त आक्रमणमा २६७ जनाको मृत्यु र ५७४ जना घाइते भएका थिए। अदालतले दोषी ठहर भएका व्यक्ति(हर)को सम्पत्ति जफत गर्न आदेश दिएको छ भने केहीलाई २०० देखि २६० वर्षसम्म जेल सजाय सुनाएको छ।
कोलम्बोमा भएको यो मुद्दाको सुनुवाइमा अदालतले १५ जनालाई दोषी ठहराएको छ भने नौ जनालाई दोषमुक्त गरेको छ। उक्त आक्रमणमा इस्लामिक स्टेटसँग सम्बन्धित आत्मघाती आक्रमणकारीहरूले तीन चर्च र तीन होटलमा विष्फोट गर्दा ४२ विदेशी नागरिकसहित २६७ जनाको मृत्यु भएको थियो। आक्रमणमा संलग्न सबै आक्रमणकारीको मृत्यु भइसकेको छ।
अदालतले दोषी ठहर भएकाहरुलाई २०० देखि २६० वर्षसम्म जेल सजाय दिने फैसला गरेको छ। धर्मगुरु मोहम्मद इब्राहिम मोहम्मद नौफरलाई २२ वर्ष र मोहम्मद इब्राहिम सादिक अब्दुल्लालाई २४० वर्षको कैद सजाय तोकिएको छ। दोषी ठहर भएका व्यक्तिहरूले सर्वोच्च अदालतमा पुनरावेदन गर्ने अधिकार राख्छन्।
क्याथोलिक चर्चले यस फैसलालाई स्वागत गर्दै घटनाका मुख्य योजनाकारहरूबारे अझै प्रश्न बाँकी रहेको बताएको छ। चर्चका प्रवक्ता रेव. जुड क्रिसान्था फर्नान्डोले यो निर्णयले भविष्यमा यस्ता घटनाहरू रोक्न सहयोग गर्ने बताएका छन्। अर्का पादरी रेव. दिलान पेरेराले श्रीलङ्काको बहुसांस्कृतिक, बहुजातीय र बहुधार्मिक समाज भएकोले धार्मिक नाममा हिंसा गर्नु अस्वीकार्य भएको बताए।
