२०औं एसियन गेम्सअन्तर्गत बक्सिङमा नेपालका खगेन्द्र रोकामगर र अस्मिता दुवाल दोस्रो चरणबाट बाहिरिएका छन्। पुरुष ६० केजी तौल समूहमा खगेन्द्र फिलिपिन्सका जुनमिलार्डाे ओगायरेसँग ५–० ले पराजित भए। महिला ५४ केजी तौल समूहमा अस्मिता जापानकी सुकिमी नामिकीसँग ५–० ले पराजित हुँदै प्रतियोगिता समाप्त भएकी छन्।
९ असोज, काठमाडौं। २०औं एसियन गेम्सअन्तर्गत बक्सिङ प्रतिस्पर्धा जापानको निसिओ जिम्नेसियममा शुक्रबार आयोजित थियो। पुरुष ६० केजी तौल समूहको दोस्रो चरणमा नेपालका खगेन्द्र रोकामगर फिलिपिन्सका जुनमिलार्डाे ओगायरेसँग ५–० ले पराजित भए। पहिलो चरणमा मकाउका एल्भिन जोन रेयेस सलिनासलाई ५–० ले पराजित गरेका खगेन्द्रले यसपटक दोस्रो चरण पार गर्न सकेनन्।
महिला ५४ केजी तौल समूहमा सिधै दोस्रो चरण अर्थात् राउन्ड अफ १६ मा प्रवेश गरेकी अस्मिता दुवाल जापानकी सुकिमी नामिकीसँग ५–० ले पराजित हुँदै प्रतियोगिता समाप्त गरिन्।
यसपछि पुरुष ९० केजी तौल समूहमा रविन नेपालले खेल्ने बाँकी रहेको छ। यसअघि नेपालका रमिशा श्रेष्ठ, कुशुम तामाङ, चन्द्रबहादुर थापा र धनबहादुर दर्लामी प्रतियोगिता बाट बाहिरिसकेका छन्।
सम्बन्धित खबर
