नेकपा एमालेका सांसदहरूले सरकारले प्रतिशोध र पूर्वाग्रहबाट काम नगर्ने सुझाब दिएका छन्। एमाले सांसद गुरुप्रसाद बरालले संविधान र विधिको शासन उल्लङ्घन भैरहेको भन्दै नागरिकका मौलिक अधिकार स्थापना गर्न निर्देशन दिन आग्रह गरे। २४ चैतमा काठमाडौंको सिंहदरबारमा मंगलबार बसेको प्रतिनिधिसभा बैठकमा सांसदहरूले सरकारले सुरुवाती चरणदेखि संविधान र विधिको शासन उल्लङ्घन गरेको भन्दै प्रतिशोध र पूर्वाग्रह राखेर काम नगर्न सरकारलाई सुझाब दिएका थिए।
बैठकमा सांसद गुरुप्रसाद बरालले नेपालको संविधान र विधिको शासन उल्लङ्घन भइरहेको भन्दै संविधानले प्रदत्त नागरिकका मौलिक अधिकारहरू स्थापित गराउन निर्देशन दिन आग्रह गरे। भदौ २३ र २४ को घटनालाई लिएर पूर्वप्रधानमन्त्री केपी ओली र पूर्वगृहमन्त्री रमेश लेखकमाथि लगाइएको मुद्दा खारेजी हुने प्रकृतिको भएको उनले बताए।
त्यस्तै, एमालेकी अर्की सांसद यशुदाकुमारी बरालले २००७ सालदेखि जेनजी आन्दोलनसम्मका सबै घटनाक्रमका फाइलहरू खोल्न आग्रह गरिन्। उनले ओली र लेखकमाथिप्रतिक राजनीतिक प्रतिशोध राख्ने काम नगर्न सचेत गराइन्। उनले वर्तमान सरकारले विधिको शासन उल्लङ्घन गरेमा अत्यन्त ठूलो क्षति व्यहोर्नुपर्ने पनि उल्लेख गरिन्।
