निर्मला फाउन्डेसनले वैशाख २८ गते दरबारमार्गस्थित क्लब प्लेटिनममा ‘एम्प्युटी रनवे नेपाल २०२६’ आयोजना गर्न लागेको छ। यस कार्यक्रममा कृत्रिम हातखुट्टा प्रयोग गर्ने व्यक्तिहरूले आफ्नो प्रतिभा, आत्मबल र संघर्षलाई प्रस्तुत गर्ने अवसर पाउँछन्। यस वर्षको नारा ‘साइडलाइनबाट स्पटलाइटसम्म’ राखिएको छ, जसले आत्मविश्वास, क्षमता र पहिचान झल्किन्छ भन्ने उद्देश्य राखेको छ र यो प्लेटफर्मका रूपमा काम गर्नेछ।
कार्यक्रम शनिबार साँझ ६:३० बजे शुरू हुनेछ। सहभागीहरूलाई दुई हप्तासम्म विभिन्न प्रशिक्षण, ग्रुमिङ र व्यक्तित्व विकास कार्यक्रममार्फत तयार गरिने आयोजकहरूले जानकारी दिएका छन्। कार्यक्रममा कृत्रिम हातखुट्टा (प्रोस्थेटिक) प्रयोग गर्नेहरूको हेरचाह र व्यवस्थापनसम्बन्धी पनि जानकारी दिइनेछ। यो कार्यक्रममार्फत सचेतना फैलाउने उद्देश्य रहेको छ, किनभने विश्वव्यापी रूपमा अप्रिल महिनालाई ‘लिम्ब लस अवेयरनेस मन्थ’ का रूपमा मनाइन्छ।
विभिन्न पेशा र पृष्ठभूमिका महिला, पुरुष र अन्य सहभागीहरू रनवेमा प्रस्तुत हुनेछन्। आयोजकका अनुसार सौन्दर्य केवल पूर्ण शरीरमा मात्र सीमित नभई आत्मविश्वास, संघर्ष र पहिचानमा आधारित हुन्छ। सहभागीहरूले डिजाइनर पहिरनका साथै आफ्नो प्रोस्थेटिकलाई कमजोरी होइन, आफ्नो शक्ति र पहिचानको रूपमा प्रस्तुत गर्नेछन्। निर्मला फाउन्डेसनले यस कार्यक्रमलाई समान अधिकार, आत्मविश्वास र प्रेरणाको सन्देश दिने अभियानका रूपमा लिएको जनाएको छ।
