सभामुख अर्यालले पूर्वसभामुखहरूसँग संसदीय अभ्यासमा छलफल गरे

३० चैत, काठमाडौं । प्रतिनिधिसभाका सभामुख डोलप्रसाद अर्यालले संसदीय अभ्यास र प्रणालीसम्बन्धी विषयमा पूर्वसभामुखहरूसँग छलफल गरेका छन् । चैत २२ गते सभामुख पदमा निर्वाचित अर्यालले आज पूर्वसभामुख देवराज घिमिरे र अग्निप्रसाद सापकोटासँग भेटवार्ता गरेका हुन् । त्यस अवसरमा नेपालको संसदीय अभ्यास, विगतका अनुभव, सङ्घीय संसद्को प्रभावकारी सञ्चालन, विधायन प्रक्रिया सुदृढीकरणजस्ता विषयमा व्यापक छलफल भएको सभामुखको सचिवालयले जनाएका छन् ।