नयाँ सरकारले नयाँ वर्षको अवसरमा नयाँ कविता

जीवनमा उदय र अस्तको लिलाले आशा गरिएको भन्दा फरक सवार्दश प्रदान गर्ने र तासको महल जस्तै सबै कुरा छरपस्ट पार्ने रहेछ। नेपाली जनताले सुशासन, शान्ति र समृद्धि ल्याउन पालैपालो मौका दिने र समाजले मानिसको प्रोफाइल, नियत र कर्मको परीक्षण गर्ने रहेछ। जनताले सुशासन, जवाफदेहिता र पारदर्शिता आए भ्रष्टाचार विनाश हुने अपेक्षा राखेको र सत्कर्मले जनमतको प्रतिज्ञा पूरा गर्ने हेर्न बाँकी रहको छ।

उदय र अस्तको लिलाले जीवनमा आशा गरिएका भन्दा फरक शिक्षा दिने रहेछ। त्यसैले, म हुँ भन्नेलाई पनि थाहै नदिई, तासको महलजस्तै छरपस्ट पार्ने रहेछ। बामे सर्न सुरु नगर्दै, म, हामी दौडिन सुरु गर्ने गफ हाँक्ने हामीले गर्ने बानी रहेछ। त्यसैले बजारमा टिकिरहन समयको रफ्तार अनुसार मर्मत सम्भार गर्नुपर्ने रहेछ। शुद्ध नियत राख्ने र सर्वज्ञानी मानिसहरू संसारमा न्यून पाइँदो रहेछ।

आसेपासे, ल्याइते-ब्याइते र बिच बाटोमा ठोक्किनेले अझ बढी घाइते पार्ने रहेछ। म, हामीलाई स्वच्छ र निष्पक्ष लागेको अरूलाई भ्रष्ट र बिचौलिया लाग्ने रहेछ। मौका आउने र जाने बेलामा कार्यान्वयन नगर्नाले हरेक व्यक्ति तनावमा पर्ने रहेछ। नेपालीहरू साँच्चिकै आक्रोशित र छिट्टै मथ्थर हुने स्वभावका भएका रहेछन्।

जनताले देशमा सुशासन र शान्ति साथै समृद्धि ल्याउन पालैपालो मौका दिने रहेछ। मानिसको प्रोफाइल, नियत र कर्मको जाँच समाज र जनता हुँदै आइरहने रहेछ। समयको सुनामीसँगै सम्हालिन नसक्नेहरू तहस-नहस भई यत्रतत्र पिछारिने रहेछ। सफल, धनी र परिचित बन्ने इच्छा हरेक मानिसको हृदयमा पलाउदो रहेछ।

पद, पैसा, शक्ति र आत्मिय मित्रको अनुरोधले हरेक व्यक्तिको मानसपटल खलबलिने रहेछ। छिटै सुखी बन्ने लक्ष्य र क्षणिक स्वार्थमा स्खलित हुँदा बलियो जग भासिने रहेछ। यदि समय राम्रो भएमा, दुई वटा सूत्र वा नाराले भुषको आगो जस्तै फैलिने रहेछ।

कौतुहलता छ बालेन जी, अहिले जनताले जान्न, बुझ्न र परिणाम खोजिरहेको छ। अब त सुशासन, जवाफदेहिता र पारदर्शिता आए भ्रष्टाचार निर्मूल हुनेछ, भन्दै छ जनताले। देशको स्थिति, मनस्थिति र परिस्थिति अनुसार पूर्ण रूपमा बहुमत दिइएको छ। सत्कर्मले जनमतको बाचा पूरा गर्ने कि इच्छामतिमा विलय हुने, त्यो हेर्न बाँकी छ।