१ वैशाख, काठमाडौं । अमेरिकी राष्ट्रपति डोनाल्ड ट्रम्प र भारतीय प्रधानमन्त्री नरेन्द्र मोदीबीच मंगलबार फोन वार्ता सम्पन्न भएको छ। भारतीय प्रधानमन्त्री मोदीले एक्समार्फत गरिएको उक्त वार्ताको पुष्टि गर्दै भनेका छन्, ‘मलाई मेरा मित्र राष्ट्रपति डोनाल्ड ट्रम्पले फोन गर्नुभएको थियो। हामीले द्विपक्षीय सहकार्यका विभिन्न महत्वपूर्ण प्रगतिहरूको समीक्षा गर्यौं।’
मोदीले आफ्नो व्यापक वैश्विक रणनीतिक साझेदारीका सबै क्षेत्रहरूलाई अझ सशक्त बनाउन प्रतिबद्धता व्यक्त गरे। साथै, उनले पश्चिम एसियाको परिस्थिति विषयमा पनि ट्रम्पसँग विस्तृत छलफल भएको जानकारी दिए। उनले भने, ‘हामीले पश्चिम एसियाको अवस्थाबारे छलफल गर्यौं र होर्मुज स्ट्रेटलाई खुला र सुरक्षित राख्न जोड दियौं।’
