गृहमन्त्री सुधन गुरुङले मधेश र लुम्बिनी प्रदेशका प्रतिनिधिसभा सदस्यहरूसँग सीमापार तस्करी नियन्त्रण सम्बन्धी विषयमा व्यापक छलफल गरेका छन्। सांसदहरूले भन्सार प्रणाली सुधार गर्ने, भन्सार दर पुनरावलोकन गर्ने, प्रभावकारी निगरानी र अनुगमन संयन्त्र विकास गर्ने जस्ता सुझाबहरू प्रस्तुत गरेका थिए। मन्त्री गुरुङले गृह मन्त्रालयअन्तर्गतका सम्बन्धित विषयहरू कार्यान्वयन गर्ने र अर्थ मन्त्रालयसँग थप समन्वय गरिने प्रतिबद्धता व्यक्त गरे।
४ वैशाख, काठमाडौं — गृहमन्त्री सुधन गुरुङले मधेश र लुम्बिनी प्रदेशका प्रतिनिधिसभाका सांसदहरूसँग सीमापार तस्करी नियन्त्रणका विषयमा छलफल गरेका छन्। छलफलमा सांसदहरूले विद्यमान भन्सार प्रणालीमा सुधार आवश्यक रहेको, भन्सार दरको पुनरवलोकन गर्नुपर्ने, सीमा क्षेत्रमा प्रभावकारी निगरानी र अनुगमन संयन्त्र स्थापना गर्नुपर्ने, कृषि सामग्री तथा मलखादको भन्सार प्रक्रिया सहज बनाउनुपर्ने र सीमा क्षेत्रमा बसोबास गर्ने नागरिकलाई दैनिक उपभोग्य सामग्रीको आयातमा निश्चित मात्रामा भन्सार छुट प्रदान गर्नुपर्ने लगायतका सुझाव दिएका थिए। यस क्रममा उठेका गृह मन्त्रालयसँग सम्बन्धित विषयहरू गृह मन्त्रालयबाट कार्यान्वयन गरिने र अर्थ मन्त्रालयसँग सम्बन्धित विषयहरूमा थप छलफल तथा समन्वय गरेर समाधान गरिने मन्त्री गुरुङले बताए।
