संयुक्त राष्ट्रिय सुकुमवासी मोर्चाले सरकारले बल प्रयोग गरी बस्ती हटाउन खोजे प्रतिवाद गर्ने स्पष्ट पारेको छ। मोर्चाको बैठकमा सरकारले लिएको निर्णय आधिकारिक हो कि होइन भन्ने विषयमा छलफल गरिएको थियो। प्रधानमन्त्री शाहले सुरक्षा निकायका प्रमुखहरूसँगको छलफलमा सुकुमवासी बस्ती खाली गराउन निर्देशन दिएका छन्। १० वैशाख, काठमाडौं।
संयुक्त राष्ट्रिय सुकुमवासी मोर्चाले बल प्रयोग गरेर सरकारले बस्ती उठाउन खोजे प्रतिवाद गर्ने जनाएको छ। बिहीबार दिउँसो शंखमुलस्थित एक कार्यालयमा बसेको मोर्चाको बैठकमा यसबारे गम्भीर छलफल भएको थियो। मोर्चाका उपाध्यक्ष पवन गुरुङका अनुसार सञ्चारमाध्यममा सरकारको तयारीबारे समाचार आएपछि बिहीबार दिउँसो बैठक आह्वान गरिएको हो।
‘बैठकमा सुरुमा सरकारको निर्णय आधिकारिक हो वा होइन भन्ने विषय उठ्यो,’ गुरुङले बताए, ‘यदि हाम्रा बस्ती बलपूर्वक हटाउने प्रयास हुन्छ भने हामी प्रतिरक्षकका लागि जे पनि गर्न तयार छौँ। हामी जसरी पनि प्रतिरोध गर्नेछौँ। यस विषयमा हाम्रो बैठकमा गम्भीर छलफल भएको छ।’ प्रधानमन्त्री शाहले सुरक्षा निकायका प्रमुखहरूसँगको छलफलमा आउँदो शनिबार र आइतबार सुकुमवासी बस्ती खाली गराउन निर्देशन दिएका छन्।
सम्बन्धित खबर
