विश्व प्रसिद्ध नेपाली ट्रेल धाविका सुनमाया बुढाले जापानको भिसा नपाउँदा वर्ल्ड ट्रेल मेजर्स २०२६ अन्तर्गत माउन्ट फुजी १०० मा सहभागी हुनबाट वञ्चित भएकी छिन्। हङकङ स्थित एशिया प्यासिफिक एड्भेन्चर एथलेटिक एजेन्टले जानकारी दिएको छ कि जापानको दूतावासले उनलाई भिसा अस्वीकार गरेको हो। गत वर्ष वर्ल्ड ट्रेल मेजर्स विजेता सुनमायाले मध्यपूर्वको अस्थिरताका कारण फ्लाइट टिकट नपाएको कारणले स्पेनमा भएको पहिलो प्रतिस्पर्धा पनि गुमाएकी थिइन्।
११ वेशाख, काठमाडौं। सुनमायाको रेस व्यवस्थापन गरिरहेको हङकङस्थित एसिया प्यासिफिक एड्भेन्चर एथलेटिक एजेन्ट (एपीए एथलेट)ले शुक्रबार फेसबुकमार्फत एक पोस्ट गर्दै जापानको भिसा नपाउँदा सुनमायाले वर्ल्ड ट्रेल मेजर्स प्रतिस्पर्धा गुमाउने बताएको छ। एपीए एथलेटले सुनमाया विश्व स्तरकी एक उत्कृष्ट एथलेट हुनुका बाबजुद नेपालस्थित जापानी दूतावासले उनलाई भिसा नदिएर दुःख व्यक्त गरेको छ।
एपीए एथलेटले भन्यो, ‘सुनमाया यस सप्ताहन्तमा माउन्ट फुजी १०० माइल दौडमा भाग लिन चाहन्थिन्, तर आयोजकबाट निमन्त्रणा पत्र र सबै आवश्यक कागजात भएका बाबजुद पनि जापान दूतावासले उनको भिसा अस्वीकार गर्यो। उनी आफ्नो खेल क्षेत्रमा विश्वका शीर्ष व्यावसायिक खेलाडीहरूमध्ये एक हुन्।’
एपीएले थप्यो, ‘यो साँच्चै दुःखद घटना हो। दूतावासले जवाफमा कुनै अतिरिक्त कागजात वा प्रमाण पेश गर्न मौका दिएन, र थप ६ महिना आवेदन गर्न प्रतिबन्ध लगाइयो। यो धेरै निराशाजनक अनुभव रह्यो।’ गत वर्ष वर्ल्ड ट्रेल मेजर्सको विजेता सुनमायाले मध्यपूर्वको प्रभावका कारण फ्लाइट टिकट नपाउँदा यस वर्ष वर्ल्ड ट्रेल सिरिज अन्तर्गत स्पेनमा भएको पहिलो इभेन्ट पनि गुमाएकी हुन्। वर्ल्ड ट्रेल मेजर्स (डब्लुटीएम) २०२५ को च्याम्पियन सुनमाया नयाँ सिजनलाई लिएर निकै उत्साहित थिइन्। तर बिभिन्न कारणले लगातार रेसमा सहभागी हुन नसक्दा वर्तमानमा न केवल सुनमाया बेलार्जुम्ब नेपालदेखि अन्तर्राष्ट्रिय स्तरको अल्ट्रा ट्रेल समुदायले पनि ठूलो दुख व्यक्त गरेको छ।
