चीनको सान्यामा हुँदै गरेको छैठौं एसियन बिच गेम्स २०२६ मा महिला कबड्डी सेमिफाइनलमा नेपालले श्रीलंकासँग पराजित भएको छ। आइतबार भएको सेमिफाइनल खेलमा नेपाल ४६-४३ ले पराजित भयो। नेपालले समूह बी का तीनै खेल जितेर समूह विजेता बनेको थियो भने श्रीलंकाले समूह ए बाट उपविजेता बनेर सेमिफाइनलमा स्थान बनाएको थियो। नेपाली टोलीका सेफ दि मिसन रामकृष्ण श्रेष्ठ (बोस) का अनुसार नेपालले कांस्य पदक पक्का गरेको छ। १३ वैशाख, काठमाडौं।
नेपालले समूह बी मा रहेका तीनै खेल जितेर सेमिफाइनल प्रवेश गरेको थियो। तर श्रीलंका भने तीन टोली मात्र रहेको समूह ए बाट उपविजेता भई सेमिफाइनल पुगेको थियो। अखिल नेपाल कबड्डी संघका महासचिव अरविन्द झाले नेपालले एकै दिन दुई खेल खेल्दा कठिनाई भएको र श्रीलंकाले दुई दिन विश्राम पाउँदा सहज भएको बताएका छन्। उनले नेपालले सबै खेल प्रतिस्पर्धात्मक खेलेको र लगातार हरेक दिन खेल्दा अरू विकल्प नभएको जानकारी गराए। नेपाली महिला कबड्डी टोलीले पछिल्लो समय अन्तर्राष्ट्रिय स्तरमा उत्कृष्ट प्रदर्शन गर्दै परिणाम पनि हासिल गर्दै आएको बताए।
