Skip to main content
Advertisement1200×100-inside-1
Advertisement1200×100-blank-1
Advertisementxtreme adv

७ बजेदेखि लाइनमा बस्नुपर्ने अवस्था छैन

Advertisement800×200-1

ठूलो भर्याङस्थित यातायात कार्यालयले सेवाग्राहीहरुलाई बिहान ९ बजेपछि मात्र कार्यालयमा उपस्थित हुन र बिहान ७, ८ बजे लाइनमा बस्न नआउने आग्रह गरेको छ। कार्यालयले सोमबार बाहेक अन्य दिनहरुमा भिडभाड कम हुने र दिउँसो ५ बजेसम्म सेवा उपलब्ध हुने जानकारी दिएको छ। सेवाग्राहीहरुले आफ्नो समय व्यवस्थापन गरी भिडभाड कम हुने समयमा कार्यालयमा आउँन कार्यालयले अनुरोध गरेको छ। १४ वैशाख, काठमाडौं।

ठूलो भर्याङस्थित यातायात कार्यालयले सेवाग्राहीहरु बिहान ७ वा ८ बजेदेखि नै लाइनमा बस्ने गरेको भन्दै त्यस्तो नगर्न सूचित गरेको छ। कार्यालयले सामाजिक सञ्जालमा सूचना जारी गर्दै भनेको छ, ‘कार्यालय बिहान ९ बजे देखि खुल्छ। तर सेवाग्राहीहरु ७, ८ बजेदेखि नै आएर कार्यालय बाहिर लाइन बस्ने गरेको पाइन्छ, अहिले कार्यालयको कार्यभार अनुसार बिहानदेखि नै लाइन बस्नुपर्ने आवश्यकता छैन।’ कार्यालयका अनुसार अहिले प्रत्येक दिन करिब १ बजेसम्म सबैको काम सकिएको र कार्यालय हलुका भइसकेको हुन्छ।

कार्यालयले भन्यो, ‘सोमबारको दिन केही भीडभाड हुने गरेको छ, तर अन्य दिनहरुमा खाली नै हुन्छ।’ दिउँसो बैंक ४ बजेसम्म खुल्ने र कार्यालय ५ बजेसम्म खुल्ला रहने भएकाले आफ्नो समय व्यवस्थापन गरी भिडभाड नरहेको बेला सजिलो सेवा लिने गरी आउन कार्यालयले आग्रह गरेको छ।


Advertisementadv-800×200.png

सम्बन्धित खबर