कर्णाली प्रदेश सभा अधिवेशन वैशाख २८ गतेदेखि सुरु हुँदै

१२ वैशाख, सुर्खेत । कर्णाली प्रदेशसभाको आठौँ अधिवेशन वैशाख २८ गतेदेखि सुरु हुने भएको छ । मंगलबार बसेको मन्त्रिपरिषद्को बैठकले प्रदेश प्रमुख यज्ञराज जोशीलाई वैशाख २८ गतेदेखि संसद अधिवेशन आह्वान गर्न सिफारिस गरेको थियो । सरकारको सिफारिसअनुसार प्रदेश प्रमुख जोशीले वैशाख २८ गते सोमबार दिउँसो ३ बजे बैठक आह्वान गर्ने घोषणा गरेका छन् ।