Skip to main content
Advertisement1200×100-inside-1
Advertisement1200×100-blank-1
Advertisementxtreme adv

रास्वापाका सांसद गणेश कार्कीले भने – झण्डै दुई तिहाइको सरकारले अध्यादेश ल्याउनु बहादुरी होइन

Advertisement800×200-1

राष्ट्रिय स्वतन्त्र पार्टीका सांसद गणेश कार्कीले झण्डै दुई तिहाइको सरकारले अध्यादेश ल्याउनु कुनै बहादुरीको काम नभएको बताएका छन्। उनले संविधानको मर्मलाई पालना नगरी केवल अक्षरमा आधारित अध्यादेश ल्याउनु गलत भएको उल्लेख गरेका छन्। विपक्षी दलहरूले अध्यादेश ल्याउँदा उठाएका प्रश्नहरू अहिले आफ्नै सरकारमा पनि उठिरहेको कार्कीले बताए। १६ वैशाख, काठमाडौं।

गणेश कार्कीले सरकारले ल्याएको अध्यादेशको आलोचना गर्दै संसद् छलेर अध्यादेश ल्याएकोमा आफ्नो दलको सरकारको समेत आलोचना गरेका छन्। उनले भने, “झण्डै दुई तिहाइ ल्याएको पार्टीका लागि अधिवेशन रोकेर अध्यादेश ल्याउनु पर्ने अवस्था हुनु ‘बाध्यता’ हो वा केहि अरू, त्यो पछि खुल्ने कुरा हो, तर यो कुनै बहादुरी भने होइन।”

अध्यादेशहरू संविधानले दिएको अधिकार र विधिको प्रयोग गरेर आउनुपर्ने बताउँदै उनले संविधानको मर्म पालन नहुँदा समस्या देखिएको बताए। उनले भने, “यसपटक पनि अध्यादेश सिफारिस संविधानको अक्षरमा आधारित छ, संविधानको मर्ममा होइन। संविधान केवल अक्षरले बाँच्ने दस्तावेज होइन, मर्मको पालनले जीवन्त रहने हो। संविधानका अक्षरहरूले त्यसको मर्मलाई सीमित नगरोस्।”

कार्कीले हालका विपक्षी दलहरूले अघिल्ला पटक अध्यादेश ल्याउँदा आफैले प्रश्न उठाएको याद गर्दै अहिले आफ्नै सरकारले अध्यादेश ल्याउँदा ती प्रश्नहरू पुन: उठाइएको बताए।


Advertisementadv-800×200.png

सम्बन्धित खबर