Skip to main content
Advertisement1200×100-inside-1
Advertisement1200×100-blank-1
Advertisementxtreme adv

भीष्मराज आङ्देम्बेले निजी सञ्चारमाध्यमलाई सरकारी विज्ञापन नदिने निर्णयविरुद्ध आलोचना गरे

Advertisement800×200-1

१७ वैशाख, काठमाडौं । प्रमुख विपक्षी दल नेपाली कांग्रेस संसदीय दलका नेता भीष्मराज आङ्देम्बेले निजी सञ्चारमाध्यमलाई सरकारी विज्ञापन नदिने सरकारको निर्णयप्रति गम्भीर आपत्ति व्यक्त गरेका छन्। उनले उक्त निर्णयलाई लोकतन्त्रको मर्ममाथि प्रहारको रूपमा आलोचना गरेका छन्। उनले भने, ‘कहिलेकाहीँ सरकारले नाडी छाम्ने प्रयास गर्छ तर लोकतन्त्रको मर्मप्रति नाडी छाम्ने सोच गलत हो।’

उनका अनुसार सरकारी विज्ञापन निजी सञ्चारमाध्यमलाई प्रकाशन वा प्रसारण गर्न नदिने निर्णयले प्रेस स्वतन्त्रता र निजी सञ्चार माध्यमको आर्थिक आधार कमजोर हुने जोखिम छ। उनले यस विषयलाई नेपाली कांग्रेसले गम्भीरतापूर्वक लिएको र संसद भित्र तथा संसदीय समितिका बैठकहरूमा प्राथमिकताका साथ उठाउने बताए। यो जानकारी नेपाल पत्रकार महासंघको टोलीले बिहीबार नेता आङ्देम्बेलाई प्रदान गरेको हो।

सरकारी विज्ञापन सरकारी सञ्चारमाध्यमलाई मात्र उपलब्ध गराउने बालेन सरकारको निर्णयविरुद्ध नेपाल पत्रकार महासंघले आन्दोलित भएको छ। आन्दोलनकै कार्यक्रम अन्तर्गत महासंघ अध्यक्ष निर्मला शर्मा, महासचिव रामप्रसाद दाहाल लगायतको टोलीले नेता आङ्देम्बेलाई सरकारको यस्तो निर्णय खारेज गर्न दबाब दिन ध्यानाकर्षण गराएको थियो। त्यस्तै, उनले सरकारले संसद बैठक बोलाएर स्थगित गर्दै अध्यादेशहरु ल्याउनुमा चिन्ता व्यक्त गरेका छन्। उनले भने, ‘संसद् बैठक बोलाएर स्थगित गर्ने नाटकपछि अध्यादेशको बाढी ल्याउने प्रयास भइरहेको छ, जुन राम्रो संकेत होइन।’

बजेटसम्बन्धी छलफलका लागि साता दिनमै संसद बैठक बस्नुपर्ने अवस्थामा कुनै आकस्मिक वा दैवीय प्रकोप नभए पनि सरकारले अध्यादेश धमाधम ल्याउनु उचित नरहेको उनको भनाइ थियो।


Advertisementadv-800×200.png

सम्बन्धित खबर