बाजुराको सदरमुकाम मार्तडीलाई जोड्ने गुइगाड खोलाको ट्रस ब्रिज पुल जीर्ण भई जोखिमपूर्ण स्थितिमा पुगेको छ। अहिले एकपटकमा एउटा मात्रै गाडी आउजाउ गर्न अनुमति दिइएको छ। सडक डिभिजन कार्यालय साँफेबगरले ठेकेदार कम्पनीलाई ५ करोड २८ लाख रुपैयाँ निकासा गरिसकेको भए पनि पुलले लोड टेस्टमा ३० टन भार समेत धान्न सकेको छैन। २०६८ सालदेखि निर्माण सुरु गरिएको पुलमा कम्सल सामग्री प्रयोग भएको र म्याद थपिएका बावजूद पनि निर्माण सम्पन्न नभएपछि स्थानीयहरू पुनःनिर्माण आवश्यक रहेको बताउँछन्।
गुइगाड खोलाको यो पुलमा यातायात संचालन भइरहेका छ, तर जोखिमपूर्ण अवस्थामा रहेकोले सडक डिभिजन कार्यालय साँफेबगरले एउटा समयमात्र एकै गाडी आउजाउ गर्न साइनबोर्ड टाँसेको छ। ट्रस ब्रिज पुल निर्माण कम्पनीको लापरवाहीका कारण पुल जीर्ण अवस्थामा पुगेको हो। २०६८ असारमा सडक डिभिजन कार्यालय साँफेबगर र राजेन्द्र थिगिन जेभीबीच २०७० साउन ३० भित्र निर्माण सम्पन्न गर्ने सम्झौता भएको थियो। कम्पनीले ५ करोड ९६ लाख १ सय १२ रुपैयाँमा ठेक्का लिएर काम सुरु गरेको थिएपनि समयमा पुरा गर्न सकेन।
२०७५ मा निर्माण कम्पनीले काम सम्पन्न गरेकाे सूचना पाएपछि गरिएको चेकजाँचमा कम्सल र आवश्यक सामग्री अनुमानित मापदण्डअनुसार प्रयोग नगरिएको देखिएको छ। पुलले ४५ टन लोड धान्नुपर्ने भएता पनि लोड टेस्ट गर्न आएका इन्जिनियर टोलीले ३० टन भार समेत धान्न नसकेको कारण पुलमा लचकता देखिएको छ। स्थानीय शिक्षक बहादुर थापाले पुल पुनःनिर्मित गर्न आवश्यक रहेको बताएका छन्। सडक डिभिजन कार्यालयले ठेकेदार कम्पनीलाई करिब ९५ प्रतिशत रकम निकासा गरिसकेको छ।
