सरुको गोलमा किकस्टार्टको विजय

समाचार संक्षेप सङ्ग्रहित र विश्लेषित गरिएको समाचार। नेपाली राष्ट्रिय महिला फुटबल टोलीकी सदस्य सरु लिम्बुको गोलबाट किकस्टार्टले इन्डियन विमेन्स लिगमा गोकुलम केरलालाई १-० ले पराजित गरेको छ। किकस्टार्टले ११ खेलबाट १६ अंक जम्मा गर्दै चौथो स्थानमा उक्लिएको छ भने गोकुलम केरलासँग १३ अंक रहेको छ र उनीहरू पाँचौं स्थानमा रहेका छन्। नेपाली खेलाडीद्वय सरु लिम्बु र रेनुका नगरकोटे टिममा हुँदा किकस्टार्टले उत्कृष्ट प्रदर्शन गरिरहेको छ। २६ वैशाख, काठमाडौं। नेपाली राष्ट्रिय महिला फुटबल टोलीकी सदस्य सरु लिम्बुको गोलले किकस्टार्टले इन्डियन विमेन्स लिग (आईडब्लुएल) मा महत्वपूर्ण जीत हासिल गरेको छ। शनिबार भएको खेलमा किकस्टार्टले गोकुलम केरलालाई १-० गोल अन्तरले पराजित गरेको छ। किकस्टार्टका लागि सरुले खेलको १७औं मिनेटमा गोल गरिन्। यस जितपछि किकस्टार्ट ११ खेलबाट १६ अंक जोड्दै चौथो स्थानमा पुगेको छ। किकस्टार्टले गोकुलमलाई पछि पार्दै यो स्थान हासिल गरेको हो। समान खेलबाट १३ अंक भएको गोकुलम केरलाले पाँचौं स्थान ओगटेको छ। निता फुटबल एकेडेमीसँग समान अंक भए पनि गोलअन्तरमा किकस्टार्ट कमजोर छ। नेपाली खेलाडी सरु र रेनुका नगरकोटे टोलीमा हुँदा किकस्टार्ट उत्कृष्ट प्रदर्शन गरिरहेको छ। इस्ट बंगाल १० खेलबाट २७ अंकसहित शीर्ष स्थानमा रहेको छ।