परराष्ट्र मन्त्रालय कन्सुलर सेवा विभागले विदेशमा रहेका नेपालीहरूको समस्या र गुनासो समाधानका लागि ‘मोफा मित्र’ मोबाइल एप सञ्चालनमा लगाएको छ। परराष्ट्रमन्त्री शिशिर खनालले डिजिटल प्रविधिमार्फत कन्सुलर सेवालाई थप सहज र प्रभावकारी बनाउन कार्यक्रम आयोजना गरी सो एपको औपचारिक उद्घाटन गरेका छन्। एपमार्फत गरिएको दर्ता भएका गुनासो र निवेदन अब विभाग नगरी नै सोझै सम्बन्धित नेपाली नियोगसम्म पुग्नेछ, विभागकी महानिर्देशक दुरपदा सापकोटाले जानकारी दिएकी छन्। १२ जेठ, काठमाडौं।
विदेशमा रहेका नेपालीहरूको समस्या र गुनासो समाधानका लागि सरकारले ‘मोफा मित्र’ एप ल्याएको हो। परराष्ट्र मन्त्रालय कन्सुलर सेवा विभागले मोबाइल एप ‘मोफा मित्र’ विकास गरेको छ। यस एपलाई एन्ड्रोइड र आईओएस फोनमा डाउनलोड गर्न सकिन्छ। विभागका सूचना प्रविधि अधिकृत नविनकुमार झाकाका अनुसार यस एपमा मुख्य रूपमा चार वटा विशेषता छन्, जसमा खोजतलास तथा उद्धार, शव व्यवस्थापन, बीमा/क्षतिपूर्ति र गुनासो/समस्या सेवा उपलब्ध छन्। एपमार्फत आफूले गरिसकेको निवेदनको अवस्था कस्तो छ र त्यसबारेमा कारबाही तथा अनुसन्धान कहाँ पुगेको छ भनी अपडेट पनि सजिलै प्राप्त गर्न सकिने झाकाले बताएका छन्।
त्यसैगरी, विदेशस्थित नेपाली नियोगहरूको सम्पूर्ण सम्पर्क नम्बर, ट्राभल एड्भाइजरी समेत एपमार्फत हेर्न सकिन्छ। पासपोर्ट नम्बर र जन्ममिति दर्ता गरेको खण्डमा सहज रूपमा उजुरी, गुनासो र निवेदन गर्न सकिने व्यवस्था गरिएको छ। एपमार्फत विदेशमा समस्यामा परेको, अलपत्र परेका वा हराएका नेपालीको खोजतलास तथा उद्धारका लागि अनलाइनमार्फत निवेदन दर्ता गर्न सकिनेछ। मृत्यु भएको अवस्थामा शव व्यवस्थापन, बीमा तथा क्षतिपूर्ति रकम दावी लगायत अन्य गुनासो तथा समस्या दर्ता गर्न पनि सकिन्छ भने आफ्नो निवेदनमा भएको कारबाहीको जानकारी पनि लिन सकिनेछ, विभागले जानकारी दिएको छ।
यस एपको औपचारिक उद्घाटन परराष्ट्रमन्त्री शिशिर खनालले गरेका छन्। विभागमा आयोजित कार्यक्रममा उनले कन्सुलर सेवालाई थप सहज, नागरिकमैत्री, प्रभावकारी र प्रविधिमैत्री बनाउन डिजिटल प्रविधिको प्रयोग अत्यन्तै महत्वपूर्ण रहेको बताएका थिए। एपले विदेशमा रहेका नेपाली नागरिक र नेपाली नियोगहरूबीच सहज सम्पर्क, समन्वय र शीघ्र सूचना आदानप्रदानमा सहयोग पुग्ने विश्वास व्यक्त गरिएको छ। कन्सुलर सेवासम्बन्धी गुनासा तथा समस्याको प्रभावकारी समाधानमा यो एपले महत्वपूर्ण भूमिका खेल्ने मन्त्री खनालले उल्लेख गरेका छन्।
