गत भदौमा भएको जेनजी आन्दोलनका क्रममा ‘शतप्रतिशत संरचना नष्ट’ भएपछि इम्बोस्ड नम्बर प्लेटका सबै काम हाल ठप्प भएका अधिकारीहरूले जनाएका छन्। यातायात व्यवस्था विभागका निर्देशक मणिराम भुसालले भने, त्यस क्रममा सेवाग्राही प्लेट छाप्ने मेशिन नष्ट हुन र सफ्टवेयर प्रणाली पनि असरमा पर्न पुगेको कारणले काम अझै सुचारु हुन नसकेको जानकारी दिए। “त्यस बेला बनाइएका छ लाख जति प्लेटहरू, छाप्ने मेशिन नष्ट हुनुका साथै सफ्टवेयर प्रणालीमा समेत असर पुगेर अवस्था शून्यमा पुगेको थियो,” उनले भने।
छपाइ जिम्मेबारी पाएको अमेरिकी र बाङ्ग्लादेशी संयुक्त लगानीमा संचालित डेकाटुर टाइगर आईटी कम्पनीको म्याद मङ्सिरमा सकिए पनि त्यही परिस्थिति हेर्दै तत्कालीन सरकारले म्याद थप तीन वर्ष दिइसकेको थियो। निर्देशक भुसाल भन्छन्, “तीन वर्षभित्र पुरानै अवस्थामा ल्याउने लक्ष्यले चरणबद्ध रूपमा काम गर्न सो कम्पनीलाई जिम्मेवारी दिइएको हो। तर अहिलेसम्म सन्तोषजनक काम सुरु भएको भौतिक रूपमा देखिएको छैन।” करिब एक दशकअघि बजेटमार्फत् डिजिटल नम्बर प्लेट लागू गर्ने उल्लेख भए पनि हालसालैसम्म उल्लेख्य प्रगति हुन सकेको छैन।
यातायात व्यवस्था कार्यालयका अधिकारीहरूको भनाइ अनुसार देशभरि ५० देखि ६० लाख सवारीसाधन रहेको अनुमान गरिन्छ। तर अहिलेसम्म २ लाखभन्दा कम सवारीसाधनमा मात्र डिजिटल इम्बोस्ड नम्बर प्लेट जडान भएको बताइएको छ। पूर्वाधार विकास मन्त्रालयका सहप्रवक्ता ज्ञानराज लम्सालले भने, “अहिले हाम्रो पक्षमा इम्बोस्ड नम्बर प्लेटसम्बन्धी थप कुनै नयाँ सूचना छैन। जेनजी आन्दोलनकालमा आगलागिले सबै रोकिएको छ। अहिले सम्म कुनै प्रगति भएको अवस्था छैन।”
गत वर्ष आन्दोलनअघि नै सेवाग्राहीहरूले उक्त नयाँ नम्बर प्लेट जडानको खर्च महँगो भएको गुनासो गरेका थिए। विभिन्न यातायात व्यवसायी सङ्घसंस्थाहरूले पनि इम्बोस्ड नम्बर प्लेट अनिवार्य गर्ने निर्णयलाई गम्भीर रूपमा लिएर त्यसको कार्यान्वयन स्थगित गर्न सरकारसँग माग गरेका थिए। हाल नम्बर प्राप्त गरेको सवारीधनीहरूले आफूले खुसी लागेको स्थानमा गएर नम्बर प्लेट बनाउन पाइए पनि, इम्बोस्ड नम्बर प्लेटको हकमा त्यस्तो सुविधा नपाएर असुविधा भोग्नु परेको धेरैले गुनासो गरेका छन्।
