नेपाली राष्ट्रिय क्रिकेट टोलीका अलराउण्डर दीपेन्द्रसिंह ऐरी आईसीसी टी-२०आई अलराउण्डर वरियतामा लगातार तेस्रो हप्ता चौथो स्थानमा रहेका छन्। दीपेन्द्रले टी-२० विश्वकपमा नेपालका लागि सर्वाधिक १६९ रन बनाए र बलिङमा २ विकेट लिएर आफ्नो रेटिङ अंक २४४ कायम राखेका छन्। वरियताको शीर्ष स्थानमा जिम्बाबेकी सिकन्दर राजा छन् भने भारतका हार्दिक पान्ड्या दोस्रो र पाकिस्तानका सायम अयुब तेस्रो स्थानमा छन्।
११ चैत, काठमाडौं। आईसीसीले मंगलबारसम्मको अपडेट राखेर बुधबार प्रकाशित गरेको नयाँ वरियता अनुसार दीपेन्द्र लगातार पाँचौँ हप्ता पनि चौथो स्थानमा कायम छन्। आईसीसी टी-२० विश्वकपको समूह चरणमा गरेको उत्कृष्ट प्रदर्शनपछि दीपेन्द्रको वरियता सुधार भई छैटौँ स्थानबाट चौथो स्थानमा उक्लिएका थिए। दीपेन्द्रले टी-२० विश्वकपमा नेपालका लागि सर्वाधिक १६९ रन बनाईसकेका थिए भने बलिङमा २ विकेट लिए। त्यस प्रदर्शनले दीपेन्द्रको रेटिङ अंक हालसम्मकै उच्च २४४ मा पुगेको थियो। उक्त अंक यस हप्तामा पनि कायम छ। अलराउण्डर वरियताको शीर्ष स्थानमा जिम्बाबेका सिकन्दर राजा यथावत् छन्। उनको रेटिङ अंक ३२८ छ। भारतका हार्दिक पान्ड्या दोस्रो स्थानमा कायम छन्। उनको रेटिङ अंक २९९ छ। तेस्रो स्थानमा पाकिस्तानका सायम अयुब रहेका छन्। पाँचौँ स्थानमा अफगानिस्तानका अजमतुल्लाह ओमरजाइ २४१ अंकका साथ छन्।
