स्पेनलाई अपराजित च्याम्पियन बनाउने टिमका कप्तान रोड्रीले गोल्डेन बल जिते भने फ्रान्सका कप्तान किलियन एमबाप्पेले गोल्डेन बुट अवार्ड हात पारे। स्पेनका कप्तान रोड्रिले १६ वर्षपछि स्पेनलाई फिफा विश्वकपको उपाधि दिलाउँदै उत्कृष्ट खेलाडीका रूपमा एडिडास गोल्डेन बल अवार्ड प्राप्त गरेका छन्। फाइनलमा स्पेनले अर्जेन्टिनालाई १-० को गोल अन्तरले हराउँदै इतिहासमा दोस्रो पटक विश्वकपको उपाधि उचाल्न सफल भयो।
फ्रान्सका कप्तान किलियन एमबाप्पेले १० सर्वाधिक गोल गर्दै लगातार दोस्रो पटक गोल्डेन बुट अवार्ड जित्ने कीर्तिमान कायम गरे। काठमाडौं। स्पेनका कप्तान रोड्रिगो हर्नान्डेज कासान्ते (रोड्री)ले फिफा विश्वकप २०२६ को गोल्डेन बल अवार्ड जितेका छन्। उनले अर्जेन्टिनाका कप्तान लियोनल मेसी र फ्रान्सका कप्तान किलियन एमबाप्पेलाई पछि पार्दै यो उपलब्धि हासिल गरे।
रोड्रीले स्पेनको कप्तानी गर्दै मिडफिल्डमा बल नियन्त्रण र आक्रमणमा समेत महत्वपूर्ण योगदान दिएका थिए। उनको नेतृत्वमा स्पेनले सोमबार बिहान सम्पन्न फाइनलमा सम्प्रति विजेता अर्जेन्टिनालाई अतिरिक्त समयमा १-० गोल अन्तरले पराजित गर्दै दोस्रो पटक फिफा विश्वकप उपाधि जितेको हो।
२०१८ मा स्पेनका लागि डेब्यु गरेका रोड्री विश्वकप जिताउने दोस्रो कप्तान बनेका छन्। यसअघि २०१० मा गोल्कीपर इकर क्यासियासको कप्तानीमा स्पेनले पहिलो पटक विश्वकप उपाधि जितेको थियो। गोल गर्ने भन्दा बढी रोड्री टिमको मिडफिल्डमा मुख्य खेलाडीका रूपमा रहन्छन्। उनले २०२४ मा उत्कृष्ट खेलाडीलाई दिने बालोन डी’ओर अवार्ड समेत आफ्नो नाममा जोडेका छन्।
म्यानचेष्टर सिटीका खेलाडी रोड्रीले फिफा विश्वकप, युएफा च्याम्पियन्स लिग र बालोन डी’ओर जित्ने ११ खेलाडीको सूचीमा खुदलाई राखेका छन्। २०२४ को यूरोकपमा स्पेनले उपाधि जित्दा रोड्रीले उत्कृष्ट खेलाडी हुँदै गोल्डेन बल अवार्ड पाए। अर्जेन्टिनाका कप्तान मेसीले सिल्भर बल अवार्ड हासिल गरे भने फ्रान्सका कप्तान एमबाप्पेले ब्रोन्ज बल पाएका थिए।
यस्तै, स्पेनका गोलकीपर उनाई सिमोले उत्कृष्ट गोलकीपरको रूपमा गोल्डेन ग्लोभ्स अवार्ड जिते भने स्पेनकै युवा डिफेन्डर पाउ कुबार्सीले उत्कृष्ट युवा खेलाडीको सम्मान प्राप्त गरे। सिमोनले यस विश्वकपमा ८ खेल खेल्दा ७ खेलमा क्लिनसिट राख्दै नयाँ कीर्तिमान बनाएका छन्।
उनी विश्वकपमा लगातार ६०० भन्दा बढी मिनेट गोल नराख्ने कीर्तिमान तोडे। त्यस्तै १९ वर्षे बार्सिलोनाका डिफेन्डर कुबार्सीले स्पेनको डिफेन्सलाइनमा प्रभावशाली प्रदर्शन गरेका थिए। विश्वकपभर सर्वाधिक १० गोल गरेका फ्रान्सका कप्तान एमबाप्पेले सर्वाधिक गोलकर्ताका रूपमा गोल्डेन बुट अवार्ड पाएका छन्। एमबाप्पे दोहोरो पटक गोल्डेन बुट जित्ने पहिलो खेलाडी बनेका हुन्।
८ गोल गरेका मेसीले सिल्भर बुट र ७ गोल गरेका इङ्ल्यान्डका जुड बेलिङघमले ब्रोन्ज बुट अवार्ड हात पारे।
सम्बन्धित खबर
