राष्ट्रिय स्वतन्त्र पार्टीका वरिष्ठ नेता तथा संसदीय दलका नेता बालेन्द्र शाह ‘बालेन’ नेपालको संविधानको धारा ७६ को उपधारा १ अनुसार प्रधानमन्त्री नियुक्त भएका छन्, राष्ट्रपतिको कार्यालयले जनाएकाे छ। बालेनको नेतृत्वमा गठन हुन लागेको सरकारले अभूतपूर्व जनादेश पाए पनि जनताको अपेक्षाअनुसार परिणाम ल्याउन चुनौतीहरूको सामना गर्न सक्ने विशेषज्ञहरूले बताएका छन्।
एक पूर्व मुख्यसचिवले जनतासँग प्रत्यक्ष सम्बन्ध राख्ने विषयहरूमा सरकारले सुरुमा केन्द्रित हुनुपर्ने औंल्याउँदै भने, ‘धेरै कुराहरू बिग्रिएकाले सुधारका लागि प्रशस्त अवसर छ।’ एक राजनीतिविद्ले ठूलो जनादेशसहित निर्वाचित नयाँ सरकारबाट मतदाताको धेरै अपेक्षा रहेको र नागरिकको विश्वास टुट्नबाट रोक्नु नै सरकारको सबैभन्दा ठूलो चुनौती हुने बताएका छन्।
इजरायल र अमेरिकाले इरानमाथि आक्रमण गरेपछि मध्यपूर्वमा देखिएको तनावबीच सरकारले आप्रवासन, रेमिट्यान्स, इन्धन आपूर्ति र महँगीजस्ता विषयमा तत्काल कदम चाल्नुपर्ने अवस्था रहेको जानकारहरूले बताएका छन्। नागरिकका अपेक्षा र त्यसको सम्बोधन भदौमा सुशासन र भ्रष्टाचार अन्त्य गर्न माग गर्दै जेन जी आन्दोलन पछि भएका चुनावले दशकौंदेखि सत्तामा रहेका दलहरूलाई विस्थापित गर्दै राष्ट्रिय स्वतन्त्र पार्टीलाई सत्ता ल्याएको हो।
रास्वपाले आफ्नो चुनावी घोषणापत्रमा सदाचार र असल शासनलाई प्राथमिकता दिँदै सदाचारी राज्य र अनलाइन सेवा प्रवाहमा प्रतिबद्धता जनाएको थियो। प्रतिनिधिसभामा झन्डै दुईतिहाई सांसदहरू उक्त दलसँग भएका कारण यस सरकारले नयाँ ढंगले काम गर्न पाउने अवसर रहेको विज्ञहरूले जनाएका छन्।
