अफ्रिकी राष्ट्र डेमोक्रेटिक रिपब्लिक अफ कंगो (डिआर कंगो) ५२ वर्षपछि फिफा विश्वकपमा चयन हुन सफल भएको छ। मंगलबार राति भएका अन्तरमहादेशीय प्लेअफ खेलमा क्यारिबियन देश जमैकालाई १-० को हार दिँदै कंगोले सन् २०२६ मा अमेरिका, क्यानडा र मेक्सिको संयुक्त रूपमा आयोजना गर्न लागिएको विश्वकपको लागि आफ्नो स्थान सुनिश्चित गरेको हो। कंगोले जित दिलाउन एक्सेल तुएन्जेबेले अतिरिक्त समयमा निर्णायक गोल गरेका थिए। उनले १०० औं मिनेटमा गोल गर्दै कंगोलाई अग्रता दिलाए, जुन गोलले पाँच दशकपछि कंगोलाई विश्वकपमा पुर्याउने निर्णायक भूमिका निभायो।
कंगो यसअघि १९७४ मा पहिलो पटक विश्वकपमा सहभागी भएको थियो र यो पछि दोस्रो पटक विश्वकपका लागि छनोट भएको हो। यस पटक कंगोले फिफा विश्वकप २०२६ को समूह के मा पोर्चुगल, उज्बेकिस्तान र कोलम्बियासँग प्रतिस्पर्धा गर्नेछ।
