नेकपा एमाले संसदीय दलको नेतामा समानुपातिक सांसद रामबहादुर थापा बादल निर्विरोध चयन भएका छन्। पूर्वसांसद वासुदेव घिमिरेले पार्टी सुधार नहुँदा पार्टी विघटनसम्म जान पुग्ने टिप्पणी गरेका छन्। घिमिरेले पार्टी अध्यक्ष केपी शर्मा ओलीले संसद् विघटन गरेको कदमको विरोधमा विज्ञप्ति जारी गरी विरोध जनाएका थिए। १८ चैत, बुटवल।
नेकपा एमालेका नेता वासुदेव घिमिरेले पार्टी सुधार नहुँदा पार्टी विघटनको बाटोमा जानसक्ने बताएका छन्। एमाले संसदीय दलको नेतामा समानुपातिक सांसद रामबहादुर थापा बादलको निर्विरोध चयनप्रति लक्षित गर्दै पूर्वसांसद घिमिरेले उक्त टिप्पणी गरेका हुन्। संसदीय दलको नेतामा सुहाङ नेम्वाङले पनि उम्मेदवारी दिएका थिए, तर प्रस्तावक र समर्थक नपाएपछि उनी पछि हटेका थिए। यसरी थापा निर्विरोध रूपमा संसदीय दलका नेता चुनिएका छन्।
पहिले प्रत्यक्ष तर्फबाट निर्वाचित सांसदहरू दलका नेता हुने गर्थे, तर यस पटक समानुपातिक सांसद थापालाई नेता बनाउँदा पार्टी भित्र र बाहर आलोचना बढेको छ। नेता घिमिरेले तिलोत्तमा नगर प्रमुख हुँदा, पार्टी अध्यक्ष केपी शर्मा ओलीले संसद् विघटन गरेको विरोधमा नगरपालिका लेटरप्याडमै विज्ञप्ति जारी गर्दै विरोध जनाएका थिए। साथै, गत २३ र २४ भदौमा भएको जनप्रदर्शन (जेनजी आन्दोलन) को समयमा सरकारको भूमिकामा प्रश्न उठाए र पार्टी महाधिवेशनमा ईश्वर पोखरेल पक्षमा उभिएका थिए।
