१८ चैत, काठमाडौं । नेपाल निर्माण व्यवसायी महासंघको १३औँ महाधिवेशनमा लुम्बिनी प्रदेशबाट केन्द्रीय उपाध्यक्षमा सहदेव खड्का निर्विरोध निर्वाचित भएका छन्। सगुन कन्स्ट्रक्सनका सञ्चालक खड्का, निकोलस पाण्डेको प्यानलका सदस्य हुन्। आज उम्मेदवारी दर्ताको कार्यक्रममा लुम्बिनीबाट केन्द्रीय उपाध्यक्ष पदका लागि खड्काको एकल उम्मेदवारी परेको थियो। उनले निर्माण व्यवसायीहरूको हकहित संरक्षण, पेशागत सुरक्षाको सुनिश्चितता र व्यवसायमैत्री वातावरण निर्माणलाई आफ्नो मुख्य एजेण्डाका रूपमा लिएर चुनावी तयारी गरेका थिए।
अध्यक्ष पदका लागि कालिका कन्स्ट्रक्सनका निर्देशक निकोलस पाण्डे र पीएस कन्स्ट्रक्सनका प्रबन्ध निर्देशक आङ दोर्जी (एडी० लामा प्यानल) सहित प्रतिस्पर्धामा रहेका छन्। नयाँ नेतृत्व चयनका लागि चैत १९ गते मतदान हुने कार्यक्रम तय गरिएको छ।
सम्बन्धित खबर
