सर्वोच्च अदालतका शाखा अधिकृत विष्टलाई नक्कली पत्र जारी गरेको आरोपमा दोषी ठहर, रेशम चौधरी पक्राउमा पर्दा कारबाही

जिल्ला अदालत काठमाडौंले सर्वोच्च अदालतका शाखा अधिकृत महिमान सिंह विष्टलाई लिखतसम्बन्धी कसुरमा दोषी ठहर गरेको छ। विष्टले जारी गरेको नक्कली पत्रका आधारमा नागरिक उन्मुक्ति पार्टीका नेता रेशम चौधरी पक्राउ परेका थिए। न्यायाधीश खिमानन्द भुषालको इजलासले विष्टलाई कैद र जरिवाना दिने विषयमा अर्को सुनुवाई गर्ने आदेश दिएको छ। २२ चैत, काठमाडौं।

सर्वोच्च अदालतका शाखा अधिकृत विष्टले जारी गरेको नक्कली पत्रका आधारमा नागरिक उन्मुक्ति पार्टीका तत्कालीन संस्थापक नेता रेशम चौधरी पक्राउ परेका थिए। उक्त घटनापछि विष्ट पक्राउ परेका थिए। न्यायाधीश खिमानन्द भुषालको इजलासले उनलाई दोषी ठहर गर्दै कैद र जरिवाना लगाउने विषयमा अर्को सुनुवाई गर्न आदेश दिएको छ। तीन वर्षभन्दा बढी कैद सजाय हुने मुद्दा छुट्टै सुनुवाई गरिनुपर्नेछ।

गत वैशाख १७ गते सर्वोच्च अदालतका शाखा अधिकृत महिमान सिंह विष्टले जारी गरेको पत्रका आधारमा पार्टी एकीकरण घोषणापत्रमा पुगेका नागरिक उन्मुक्ति पार्टीका संरक्षण र पूर्वसांसद रेशम चौधरी पक्राउ परेका थिए। अदालतमा विचाराधीन विषय टुंगो नलागेसँगै चौधरीलाई कैदमा पठाउने भनी जारी गरिएको पत्र अनधिकृत र गैरकानूनी भएको पत्ता लागेपछि केही घण्टाभित्रै चौधरी रिहा भएका थिए। त्यसपछि पत्र तयार गर्ने सर्वोच्च अदालतका शाखा अधिकृत विष्ट पक्राउ परेका थिए। कारागार र प्रहरीमा तत्काल अर्को पत्र पठाएर सर्वोच्च अदालतले रेशम चौधरीलाई रिहा हुने बाटो समेत तयार पारेको थियो।