प्रतिनिधिसभाको नयाँ नियमावली तयार पार्न मस्यौदा समिति गठन, गणेश पराजुली सभापति चयन

२३ चैत, काठमाडौं । प्रतिनिधिसभाको नयाँ नियमावली तयार पार्न मस्यौदा समिति गठन गरिएको छ। सोमबार सम्पन्न प्रतिनिधिसभाको बैठकमा रास्वपाका सांसद कविन्द्र बुर्लाकोटीले मस्यौदा समिति गठनको प्रस्ताव राखेका थिए, जुन सभाले अनुमोदन गरेको हो।

संसदमा प्रतिनिधित्व गर्ने सबै दलका सांसदहरूलाई समेटेर १५ सदस्यीय समिति गठन गरिएको छ। समितिको सभापतिमा गणेश पराजुली चयन भएका छन्।

समितिका सदस्यहरूमा ओजस्वी शेरचन, खगेन्द्र सुनार, खुस्बु ओली, गजला समिम मिकरानी, तपेश्वर यादव, ध्रुवराज राई, निशा डाँगी, निश्कल राई, वलावती शर्मा, मधु चौलागाईं, यज्ञमणि न्यौपाने, रेखा कुमारी यादव र सुलभ खरेल समावेश छन्।