आईटीएफ एसिया यू–१२ टेनिस प्रतियोगिता चैत ३० देखि आयोजना हुँदै

नेपालमा चैत ३० देखि वैशाख ४ गतेसम्म आईटीएफ एसिया यु–१२ टेनिस प्रतियोगिता सातदोबाटोस्थित टेनिस कम्प्लेक्समा आयोजना गरिने भएको छ। प्रतियोगितामा बंगलादेश बाहेक ६ दक्षिण एसियाली राष्ट्रका ३३ खेलाडीले २ सिंगल्स र १ डबल्स विधामा प्रतिस्पर्धा गर्नेछन्। प्रतियोगिताका प्रथम र द्वितीय स्थान हासिल गर्ने २–२ टोलीले सन् २०२६ सेप्टेम्बर १५ देखि २० सम्म सिंगापुरमा हुने एसियाली फाइनलमा भाग लिनेछन्।

२६ चैत, काठमाडौं। नेपाल टेनिस संघका अध्यक्ष मनोहर दास मुलले जानकारी दिँदै भने कि, प्रतियोगितामा जम्मा ३३ जना खेलाडीले सहभागिता जनाउनेछन्। प्रतियोगितामा दुवैतर्फ पहिलो र दोस्रो स्थान हासिल गर्ने २–२ टोलीले सन् २०२६ सेप्टेम्बर १५ देखि २० सम्म सिंगापुरमा हुने एसियाली फाइनल प्रतियोगितामा भाग लिन पाउनेछन्।

टुर्नामेन्ट निर्देशक अजय विष्टले जानकारी दिए अनुसार, यस प्रतियोगितामा छात्रतर्फ आरित मल्ल, सभ्य जंग कार्की र सहंश बस्नेत तथा छात्रातर्फ सारा पन्त, आर्या पौडेल र नायरा सि घलेले नेपाल प्रतिनिधित्व गर्नेछन्। सूर्य भुषण बज्राचार्य छात्र टोलीका र कान्छा खड्गे छात्रा टोलीका प्रशिक्षकको रूपमा रहनेछन्।

नेपालले यो प्रतियोगिता पाँचौं पटक आयोजना गर्न लागेकाे हो। यसअघि सन् २०१७, २०१८, २०२२ र २०२४ मा पनि नेपालमै यस प्रतियोगिता आयोजना भइसकेको छ।