अख्तियार दुरुपयोग अनुसन्धान आयोगले पूर्वसभामुख कृष्णबहादुर महरा, उनका छोरा राहुलसहित २९ जनामाथि भ्रष्टाचार सम्बन्धी मुद्दा दर्ता गरेको छ। अख्तियारको आरोप छ, पूर्वसभामुख महरा र उनका छोऱा राहुलले भन्सार कार्यालयमा बारम्बार सम्पर्क गरी भेप छुटाउन प्रयास गरेका थिए र सुन तस्करीमा पनि मिलेमतो गरेका थिए। प्रमुख भन्सार अधिकृत मुक्ति प्रसाद श्रेष्ठमाथि सुटकेसको पुन: चेकजाँच र भौतिक परीक्षण नगरेको कारण भ्रष्टाचार भएको आरोप पनि लगेका छन्। २७ चैत, काठमाडौं।
अख्तियारले भन्सारका कर्मचारीहरूले भेपमा लुकाइएको सुन पत्ता लगाउन नसकेको आरोप लगाएको छ। सुन ल्याउनेहरूमाथि तस्करीमा मिलेर काम गरेको आरोप पनि छ। सुन तस्करीमा संलग्नहरूमाथि यसअघि नै जिल्ला अदालत काठमाडौंमा सम्पत्ति शुद्धीकरणसम्बन्धी मुद्दा चलेको थियो। त्यही घटनामा अख्तियारले अर्को मुद्दा पनि दायर गरेको हो।
घटना १० पुस २०७९ मा त्रिभुवन अन्तर्राष्ट्रिय विमानस्थलबाट सुरु भयो, जब चिनियाँ यात्रु लि हाङ सुङ दुईवटा सुटकेस लिएर नेपाल आएका थिए। भन्सार जाँचका क्रममा ती सुटकेसमा ७३ वटा बट्टामा जम्मा ७३० वटा भेप (विद्युतीय चुरोट) फेला परे। भन्सार कर्मचारीहरूले भेपको भौतिक परीक्षण गर्नुपर्ने भनी जाँच रोक्यो र सामान नियन्त्रणमा लिए। तर अख्तियारले भन्सार कर्मचारीहरूले सामान रोकेपछि पुन: चेकजाँच नगरेको आरोप पनि लगाएको छ।
अख्तियारका अनुसार ती सामान प्रशासनिक भवनमा राखिएको थियो, जबकि तिनलाई गोदाममा राख्नुपर्ने थियो। बरामद भएका भेप व्यापारी उदयचन्दन श्रेष्ठले परीक्षण गर्दा धुँवा नआएपछि थप शंका गर्नु पर्नेमा भन्सार कर्मचारीहरूले मिलेमतो गरेको अख्तियारले दाबी गरेको छ। अख्तियारले पूर्वसभामुख महरा र उनका छोरा राहुलसँगको सम्पर्कले बदनियत देखाइएको भन्दै मुद्दा चलाएको हो।
