बस सेवाले नयाँ वर्षलाई लक्षित गर्दै २९ चैतदेखि १५ वैशाखसम्म अनलाइन टिकट बुकिङ अभियान सुरु गरेको छ। यस अभियानमा टिकट किन्नेलाई माउन्टेन फ्लाइट, बन्जी जम्प, निःशुल्क बस टिकट र क्यास ब्याकको अवसर प्रदान गरिनेछ। बस सेवाले ७० भन्दा बढी जिल्लामा अनलाइनमार्फत बस र हवाइ टिकट उपलब्ध गराउँदै आएको छ।
३० चैत, काठमाडौं। बस तथा हवाइ उडान सेवाको अनलाइन टिकट बुकिङ प्लेटफर्म बस सेवाले नयाँ वर्ष लक्षित गरेर अभियान सार्वजनिक गरेको छ। यस अभियानअन्तर्गत बस सेवा अनलाइनबाट टिकट किन्नेलाई माउन्टेन फ्लाइट, बन्जी जम्प, निःशुल्क बस टिकट र क्यास ब्याकसहितका सुविधाहरू उपलब्ध गराउने कम्पनीले जनाएको छ। यो अभियान २९ चैतबाट सुरु भएर १५ वैशाखसम्म लागु हुनेछ।
यस अवधिमा बस सेवा अनलाइन प्लेटफर्ममार्फत बस तथा हवाइ उडानको टिकट काट्ने यात्रुमध्ये एकजनाले ‘माउन्टेन फ्लाइट’ अनुभव पाउनेछन्। बस सेवाले यति एयरलाइन्ससँगको सहकार्यमा आफ्नो ग्राहकलाई यो अवसर प्रदान गरेको बताइएको छ। अभियानअन्तर्गत दुई जनाले पोखरामा बन्जी जम्प गर्ने र दुई जनाले प्याराग्लाइडिङ गर्ने मौका पाउनेछन्। साथै, पोखरा जाने र आउने बस टिकटहरू नि:शुल्क उपलब्ध गराइनेछन्।
यस अभियानमा ट्रिप टर्बोले बस सेवासँग सहकार्य गरेको छ भनेर बस सेवाका व्यापार प्रमुख डेनिसजंग थापाले जानकारी दिए। उनले भने, ‘बस सेवामार्फत अनलाइन टिकट बुकिङ गर्ने यात्रुलाई वर्षभरि निःशुल्क टिकट, क्यास ब्याक र विभिन्न छुटहरूको सुविधा उपलब्ध गराउने योजना छ।’ हाल बस सेवाले ७० भन्दा बढी जिल्लामा अनलाइन प्लेटफर्मबाट बस तथा हवाइ टिकट उपलब्ध गराउँदै आएको छ।
