संखुवासभामा बर्ड फ्लू सङ्क्रमित मोरङबाट अनुमति बिना ल्याइएका ४ हजार १ सयभन्दा बढी ब्रोइलर कुखुराका चल्ला नष्ट गरिएको छ। बर्ड फ्लू रोग नियन्त्रण समितिको बैठकले मोरङबाट अनुमति बिना ल्याइएका चल्ला नष्ट गर्ने निर्णय निस्काएको थियो। कोशी प्रदेशका झापा, मोरङ र सुनसरी जिल्लामा बर्ड फ्लू सङ्क्रमण फैलिरहेको र स्वास्थ्य जोखिमलाई ध्यानमा राखिएको छ।
३० चैत, संखुवासभा। संखुवासभामा ४ हजारभन्दा बढी ब्रोइलर कुखुराका चल्ला नष्ट गरिएको प्रहरीले जानकारी दिएको छ। बर्ड फ्लू प्रभावित क्षेत्र मोरङबाट भित्र्याइएका कुखुराका चल्लाहरू नियन्त्रणमा लिएर नष्ट गरिएको हो।
कोशी प्रदेशका १४ जिल्लामध्ये झापा, मोरङ र सुनसरीमा अहिले बर्ड फ्लू सङ्क्रमण थप फैलिएको छ। भेटेरिनरी अस्पताल तथा पशु सेवा विज्ञ केन्द्रका प्रमुख हिमालय पोख्रेलका अनुसार ४ हजार १ सय चल्ला नियन्त्रण गरेर नष्ट गरिएको छ। बर्ड फ्लू रोग नियन्त्रण समितिका संयोजक निमित्त प्रमुख जिल्ला अधिकारी घाङरी लामाको नेतृत्वमा बसेको बैठकले मोरङबाट ल्याइएका ४ हजारभन्दा बढी ब्रोइलर कुखुराका चल्ला नष्ट गर्ने निर्णय गरेको थियो। अनुमति बिना प्रतिबन्धित क्षेत्र मोरङबाट ल्याइएका कारण स्वास्थ्य जोखिमलाई मध्यनजर गर्दै ती चल्ला नष्ट गरिएको हो भन्ने पशु सेवा विज्ञ केन्द्रका प्रमुख पोख्रेलले बताएका छन्।
सम्बन्धित खबर
